ഖാസി അബ്ദുൽ അസീസ് മുസ്ലിയാർ അംഗടിമുഗര്‍ അന്തരിച്ചു

മൊഗ്രാൽ: (KasargodVartha) പ്രമുഖ ഇസ്ലാമിക പണ്ഡിതനും അംഗടിമുഗർ ഖാസിയുമായി അറിയപ്പെട്ടിരുന്ന അബ്ദുൽ അസീസ് മുസ്ലിയാർ (90) അംഗടിമുഗറിൽ അന്തരിച്ചു. അദ്ദേഹം മൊഗ്രാൽ മൈമൂൻ നഗറിലാണ് താമസിച്ചിരുന്നത്. മംഗലപുരം ഖാസിയായിരുന്ന പരേതനായ മൊഗ്രാൽ കോട്ട അബ്ദുൽഖാദർ മുസ്ലിയാരുടെ സഹോദരി ഭർത്താവാണ്.

അദ്ദേഹം 1971 മുതൽ അംഗടിമുഗർ മുദരിസായും ഖാസിയായും സേവനം ചെയ്തു വരികയായിരുന്നു. പ്രായാധിക്യ രോഗം കാരണം വീട്ടിൽ വിശ്രമിക്കവെയാണ് അദ്ദേഹത്തിൻ്റെ വിയോഗം സംഭവിച്ചത്.

ഖാളീ ഇസ്മാഈൽ മുസ്ലിയാർ, പി വി മുഹമ്മദ് മുസ്ലിയാർ ബാഖവി പൈവളിഗെ, സയ്യിദ് ഉമർ മുത്തുക്കോയ തങ്ങൾ തലശ്ശേരി, മുഹമ്മദ് കുഞ്ഞി മുസ്ലിയാർ എടനീർ, കോട്ട അബ്ദുൽ ഖാദിർ മുസ്ലിയാർ, ശംസുൽ ഉലമാ, അബൂബക്കർ ഹസ്രത്ത് കായൽപട്ടണം, കോട്ടുമല അബൂബക്കർ മുസ്ലിയാർ, സി എം അബ്ദുല്ല മൗലവി ചെമ്പിരിക്ക തുടങ്ങിയ പ്രമുഖരുടെ കീഴിൽ അദ്ദേഹം മതപഠനം നടത്തി.

ഭാര്യ: സൈനബ. മക്കൾ: യൂനുസ്, അൻസാർ താജുദ്ദീൻ നൗഫൽ, നൗഷാദ്, സാഹിദ. മരുമക്കൾ: മുഹമ്മദ് മുസ്ലിയാർ മദനി, ഇബ്രാഹിം ഉദുമ, സാജിദ തായലങ്ങാടി, അനീസ മൊഗ്രാൽ, ഷംഷാദ് പൈവളിഗെ, ഷംസീന ബായാർ, നസീബ.

മൃതദേഹം ചൊവ്വഴ്ച രാവിലെ 11 മണിയോടെ മൊഗ്രാൽ ചളിയങ്കോട് ജുമാമസ്ജിദ് ഖബർ സ്ഥാനിൽ ഖബറടക്കും. അദ്ദേഹത്തിൻ്റെ നിര്യാണത്തിൽ മൊഗ്രാൽ ദേശീയവേദി, ദീനാർ യുവജന സംഘം എന്നിവർ അനുശോചനം അറിയിച്ചു.

അബ്ദുൽ അസീസ് മുസ്ലിയാരുടെ വിയോഗത്തിൽ അനുശോചനം രേഖപ്പെടുത്താൻ കമൻ്റ് ചെയ്യുക.

Article Summary: Renowned Islamic scholar and Qazi of Angadimugar, Abdul Azeez Musliyar (90), passed away in Mogral. He had been serving as Qazi and Mudarris since 1971. He was a student of prominent scholars. The burial will take place on Tuesday.

#AbdulAzeezMusliyar, #Angadimuqar, #IslamicScholar, #KeralaObituary, #Mogral, #ReligiousLeader