പുല്ലരിയുന്നതിനിടയില്‍ തൊഴിലാളി കിണറ്റില്‍ വീണുമരിച്ചു

മുള്ളേരിയ: (www.kasargodvartha.com 03.10.2018) പുല്ലരിയുന്നതിനിടയില്‍ തൊഴിലാളി കിണറ്റില്‍ വീണു മരിച്ചു. ബെള്ളൂര്‍ പെല്‍ത്താടിയിലെ പരേതനായ ഭട്ട്യപ്പ റൈയുടെ മകന്‍ ബാലകൃഷ്ണ റൈ (64)യാണ് മരിച്ചത്. ബുധനാഴ്ച്ച രാവിലെ 10 മണിയോടെയാണ് അപകടം. എടമുഖറിലെ സ്വകാര്യവ്യക്തിയുടെ തോട്ടത്തില്‍ പുല്ലരിയുന്നതിനിടെ തെന്നി വീനതാണെന്ന് സംശയിക്കുന്നു.

ഏറെ നേരമായിട്ടും കാണാത്തതിനെ തുടര്‍ന്ന് സ്ഥലമുടമ തിരച്ചില്‍ നടത്തിയപ്പോള്‍ കിണറ്റില്‍ ചെരുപ്പുകള്‍ പൊങ്ങി കിടക്കുന്നത് കണ്ടു. കാസര്‍കോട് നിന്ന് അഗ്‌നിശമനസേന വന്ന് തിരച്ചില്‍ നടത്തിയാണ് മൃതദേഹം പുറത്തെടുത്തത്.

ലീലാവതിയാണ് ഭാര്യ. മക്കള്‍ ഉദയകുമാര്‍, പ്രേമലത, ഉഷാലത, പുഷ്പലത. മരുമക്കള്‍ ഭവാനി, ശ്രീനിവാസ, ശിവാനന്ദ, പ്രവീണ്‍. സഹോദരങ്ങള്‍ സുന്ദര റൈ, നാരായണ റൈ.