മുലപ്പാൽ തൊണ്ടയിൽ കുടുങ്ങി 56 ദിവസം പ്രായമായ ശിശു മരിച്ചു; മരിച്ചത് ഇരട്ടക്കുട്ടികളിൽ ഒരാള്‍

പാലക്കാട്: (KasargodVartha) മുലപ്പാൽ തൊണ്ടയിൽ കുടുങ്ങി 56 ദിവസം പ്രായമായ നവജാത ശിശു മരിച്ചു. കാരാകുറുശ്ശി പള്ളിക്കുറുപ്പിലാണ് സംഭവം നടന്നത്. പള്ളിക്കുറുപ്പ് പുലാക്കൽ ശഫീഖ്-ഹസീന ദമ്പതികളുടെ മകനാണ് മരിച്ചത്. 

കുഞ്ഞ് അസ്വസ്ഥത പ്രകടിപ്പിച്ചു

മാതാവ് പാൽ കൊടുത്ത് കിടത്തിയ കുഞ്ഞ് പെട്ടെന്ന് അസ്വസ്ഥത പ്രകടിപ്പിക്കുകയായിരുന്നു. മുലപ്പാൽ തൊണ്ടയിൽ കുടുങ്ങിയതാണ് കുഞ്ഞിൻ്റെ ആരോഗ്യനില പെട്ടെന്ന് മോശമാകാൻ കാരണമെന്ന് കരുതുന്നു. അസ്വസ്ഥതകൾ കണ്ടതോടെ വീട്ടുകാർ കുട്ടിയെ മണ്ണാർക്കാട് താലൂക്ക് ആശുപത്രിയിൽ എത്തിച്ചു.

ജീവൻ രക്ഷിക്കാനായില്ല

താലൂക്ക് ആശുപത്രിയിലെ പ്രാഥമിക പരിശോധനകൾക്ക് ശേഷം വിദഗ്ധ ചികിത്സയ്ക്കായി കുട്ടിയെ പെരിന്തൽമണ്ണയിലെ ആശുപത്രിയിലേക്ക് മാറ്റിയിരുന്നു. എന്നാൽ മെഡിക്കൽ സംഘം പരിശ്രമിച്ചിട്ടും കുരുന്നിൻ്റെ ജീവൻ രക്ഷിക്കാൻ കഴിഞ്ഞില്ല. ശഫീഖ്-ഹസീന ദമ്പതികൾക്ക് ജനിച്ച ഇരട്ടക്കുട്ടികളിൽ ഒരാളാണ് മരിച്ച ആൺകുട്ടി. ഈ സംഭവത്തിൻ്റെ ഞെട്ടലിലാണ് കുടുംബവും നാട്ടുകാരും.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: A 56-day-old infant died after allegedly choking on breast milk in Palakkad.

#PalakkadNews #InfantDeath #KeralaNews #LocalNewsKerala #Mannarkkad #Karakurussi #RenuNews