കിണറിലെ മോട്ടോർ നന്നാക്കുന്നതിനിടെ വിഷവാതകം ശ്വസിച്ച് ദാരുണാന്ത്യം; അച്ഛനും മകനും ഉൾപ്പടെ 4 പേർ മരിച്ചു

പട്ന: (KasargodVartha) കിണറിനുള്ളിലെ വിഷവാതകം ശ്വസിച്ച് നാല് പേർ മരിച്ചു. ബിഹാറിലെ ദോഭി പൊലീസ് സ്റ്റേഷൻ പരിധിയിലെ ഗർ കർമൗനി ഗ്രാമത്തിലാണ് നാടിനെ നടുക്കിയ ദാരുണ സംഭവം ഉണ്ടായത്. കിണറിലെ മോട്ടോർ അറ്റകുറ്റപ്പണി നടത്തുന്നതിനിടെയാണ് അപകടമുണ്ടായത്. മരിച്ചവരിൽ അച്ഛനും മകനും ഉൾപ്പെട്ടതായാണ് പൊലീസ് റിപ്പോർട്ടുകൾ വ്യക്തമാക്കുന്നത്. ചമാരി മാഞ്ചി, മകൻ ദിൽചന് മാഞ്ചി, വികാസ് ചൗധരി, വിജയ് ചൗധരി എന്നിവരാണ് മരിച്ചത്.

ശ്വാസംമുട്ടി മരണം

നാല് പേരുടെയും മരണം കിണറ്റിലെ വിഷവാതകം ശ്വസിച്ചാണെന്ന് പൊലീസ് പറഞ്ഞു. കിണറ്റിൽ വെച്ചു തന്നെ ശ്വാസംമുട്ടി നാല് പേരും മരണപ്പെടുകയായിരുന്നു. 

4 ലക്ഷം രൂപ ധനസഹായം

മരിച്ചവരുടെ കുടുംബത്തിന് സർക്കാർ അടിയന്തര ധനസഹായം പ്രഖ്യാപിച്ചു. മരിച്ചവരുടെ ആശ്രിതർക്ക് ഉടൻ നാല് ലക്ഷം രൂപ വീതം ധനസഹായം നൽകാനും ദുരിതബാധിത കുടുംബങ്ങൾക്ക് സാധ്യമായ എല്ലാ സഹായങ്ങളും ഉറപ്പാക്കാനും നിർദേശം നൽകിയതായി ബിഹാർ മുഖ്യമന്ത്രി അറിയിച്ചു.

പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Four people, including a father and son, died due to inhaling poisonous gas inside a well in Garh Karmauni village under the Dobhi police station limits in Bihar while repairing a water motor. The Bihar Chief Minister announced an immediate ex-gratia of Rs 4 lakh each to the families of the deceased.

#BiharNews #PoisonousGas #AccidentalDeath #DobhiPoliceStation #MalayalamNews #PatnaNews #AparnaNews