Road accidents | വ്യത്യസ്ത വാഹനാപകടങ്ങളിലായി 2 പേര്‍ മരിച്ചു

കാഞ്ഞങ്ങാട്: (www.kasargodvartha.com) വെള്ളിയാഴ്ച വ്യത്യസ്ത വാഹനാപകടങ്ങളിലായി രണ്ടുപേര്‍ മരിച്ചു. ചേറ്റുകുണ്ടിലും കൂളിയങ്കാലിലുമാണ് വാഹനാപകടം ഉണ്ടായത്. കുളിയങ്കാലില്‍ ഓടോറിക്ഷയിടിച്ച് ഗുരുതരമായി പരിക്കേറ്റ കല്ലൂരാവിയിലെ അബ്ദുര്‍ റഹ്മാന്‍ (64) ആണ് മരിച്ചത്. ചേറ്റുകുണ്ടില്‍ കാറിടിച്ച് പരിക്കേറ്റ ചേറ്റുകുണ്ട് കടപ്പുറത്തെ കെ ഇബ്രാഹിം (65) മരിച്ചു.
         
മകള്‍ ഫൗസിയയെ കാണാനെത്തിയ അബ്ദുര്‍ റഹ്മാന്‍ കുളിയങ്കാല്‍ ജംഗ്ഷനില്‍ വെള്ളിയാഴ്ച ഉച്ചയ്ക്കാണ് അപകത്തില്‍ പെട്ടത്. ഉടന്‍ മംഗ്ളൂറിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യ: നഫീസ. മറ്റുമക്കള്‍: സുല്‍ഫികര്‍, നൗശീബ, ജസീന.
          
ചേറ്റുകുണ്ടിലെ തട്ടുകടയില്‍ നിന്നും ചായകുടിച്ച് വീട്ടിലേക്ക് നടന്നു പോകുന്നതിനിടെയാണ് ഇബ്രാഹിനെ കാറിടിച്ചത്. ഗുരുതരമായി പരിക്കേറ്റ ഇബ്രാഹിമിനെ മംഗ്ളൂറിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യ: ആമിന. മക്കള്‍: സമീര്‍, റശീദ്, ശരീഫ്, നിസാര്‍, നസീന, ഖൈറുന്നീസ. ഹൊസ്ദുര്‍ഗ് പൊലീസ് അന്വേഷണം നടത്തി. < !- START disable copy paste -->