കിണറില്‍ ചാടിയ മരുമകനെ രക്ഷിക്കാന്‍ ശ്രമിക്കുന്നതിനിടെ അമ്മാവനും മരുമകനും മരിച്ചു

ശേഖര പൂജാരി

കാസര്‍കോട്: കുമ്പളയില്‍ കിണറില്‍ ചാടിയ മരുമകനെ രക്ഷിക്കാന്‍ ശ്രമിക്കുന്നതിനിടെ അമ്മാവനും മരുമകനും മുങ്ങി മരിച്ചു. കുമ്പള ആരിക്കാടി കിതൂര്‍ ഉജാറ അംബിലടുക്കയിലാണ് അപകടമുണ്ടായത്. അംബിലടുക്കയിലെ ശേഖര പൂജാരി (40), ഇദ്ദേഹത്തിന്റെ മരുമകന്‍ കേശവ (35) എന്നിവരാണ് മരിച്ചത്.

കേശവ

ബുധനാഴ്ച വൈക്കിട്ട് 4.45 മണിയോടെയാണ് മാനസിക അസ്വാസ്ഥ്യമുള്ള കേശവ കിണറ്റിലേക്ക് എടുത്തുചാടിയത്. മരുമകനെ രക്ഷിക്കാന്‍ പിറകെ കേശവ പൂജാരിയും ചാടുകയായിരുന്നു. അപകടവിവരമറിഞ്ഞ് കുമ്പള പോലീസും ഉപ്പളയില്‍ നിന്നുള്ള ഫയര്‍ഫോഴ്‌സും സ്ഥലത്തെത്തി നാട്ടുകാരുടെ സഹായത്തോടെ ഇവരെ പുറത്തെടുത്തെങ്കിലും അപ്പോഴേക്കും രണ്ട് പേരും മരിച്ചിരുന്നു.

വീടിന് 50 മീറ്റര്‍ മാത്രം അകലെയുള്ള തോട്ടത്തിലെ കിണറിലാണ് കേശവ ചാടിയത്. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് കൊണ്ടുപോയി.

Keywords : Kumbala, Accident, Well, Kasaragod, Obituary, Suicide, Death, Arikkady, Kerala, Kerala News, International News, National News, Gulf News, Health News, Educational News, Business News, Stock News, Gold News.