അസുഖത്തെ തുടര്‍ന്ന് ചികിത്സയിലായിരുന്ന രണ്ടര വയസുകാരന്‍ മരിച്ചു

By Web Desk - MainMar 16, 2018, 11:38 IST

കാസര്‍കോട്: (www.kasargodvartha.com 16.03.2018) അസുഖത്തെ തുടര്‍ന്ന് ചികിത്സയിലായിരുന്ന രണ്ടര വയസുകാരന്‍ മരിച്ചു. ചെമ്മനാട് ചേക്കരംകോഡ് ഹൗസില്‍ അന്‍സാരി- ജുമാന ദമ്പതികളുടെ മകന്‍ അസാന്‍ (രണ്ടര) ആണ് മരിച്ചത്. അസുഖം ബാധിച്ചതിനെ തുടര്‍ന്ന് ഒരു മാസത്തോളമായി ചികിത്സയിലായിരുന്നു. വ്യാഴാഴ്ച രാത്രി 11 മണിയോടെയാണ് മരണം സംഭവിച്ചത്.

ഏക സഹോദരി ആഇശ ഷഹാന (എല്‍കെജി വിദ്യാര്‍ത്ഥിനി). മൃതദേഹം ചെമ്മനാട് ജുമാമസ്ജിദ് ഖബര്‍സ്ഥാനില്‍ ഖബറടക്കി.