17 കാരിയെ കിണറ്റില്‍ മരിച്ച നിലയില്‍ കണ്ടെത്തി

ഉദുമ: പ്ലസ്ടൂ വിദ്യാര്‍ത്ഥിനിയായ 17 കാരിയെ കിണറ്റില്‍ മരിച്ച നിലയില്‍ കണ്ടെത്തി. തിരുവാക്കോലിലെ മത്സ്യ തൊഴിലാളിയായ കുമാരന്‍-കാഞ്ചന ദമ്പതികളുടെ മകള്‍ ചേതനയെ(17) യാണ് വീട്ടുമുറ്റത്തെ കിണറ്റില്‍ മരിച്ച നിലയില്‍ കണ്ടെത്തിയത്. ചട്ടഞ്ചാല്‍ ഹയര്‍സെക്കണ്ടറി സ്‌കൂളിലെ പ്ലസ്ടൂ വിദ്യാര്‍ത്ഥിനിയാണ് മരിച്ച ചേതന.

Cheethana

വീടിന് സമീപത്തെ ക്ഷേത്രത്തില്‍ ഉത്സവം നടക്കുന്നതിനാല്‍ പുതിയ ഡ്രസ് വാങ്ങി നല്‍കാന്‍ വീട്ടുകാരോട് ചേതന ആവശ്യപ്പെട്ടിരുന്നു. എന്നാല്‍ സാമ്പതിക ബുദ്ധിമുട്ടുള്ളതിനാല്‍ രക്ഷിതാക്കള്‍ക്ക് ഡ്രസ് വാങ്ങിക്കൊടുക്കാന്‍ കഴിഞ്ഞിരുന്നില്ല.

ഇതിനിടയിലാണ് ചേതനയെ ബുധനാഴ്ച വൈകിട്ട് 6.30 മണിയോടെ കിണറ്റില്‍ മരിച്ച നിലയില്‍ കണ്ടെത്തിയത്. കാസര്‍കോട് നിന്നും ഫയര്‍ഫോഴ്‌സെത്തിയാണ് മൃതദേഹം പുറത്തെടുത്തത്. മൃതദേഹം കാസര്‍കോട് ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്. ബേക്കല്‍ പോലീസ് സ്ഥലത്തെത്തി അന്വേഷണം ആരംഭിച്ചു. സഹോദരി: മേഘന.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.