അസുഖത്തെ തുടര്‍ന്ന് ചികിത്സയിലായിരുന്ന 14 കാരി മരണപ്പെട്ടു

By Web Desk - MainJan 5, 2019, 16:31 IST

തളങ്കര: (www.kasargodvartha.com 05.01.2019) അസുഖത്തെ തുടര്‍ന്ന് ചികിത്സയിലായിരുന്ന 14 കാരി മരണപ്പെട്ടു. തളങ്കര പള്ളിക്കാലിലെ മാസ്റ്റര്‍ ഫൈസല്‍- റഫ ദമ്പതികളുടെ മകള്‍ സഫിയത്ത് റുബ (14)യാണ് മരിച്ചത്. ഒന്നര വര്‍ഷത്തോളമായി അസുഖത്തെ തുടര്‍ന്ന് ചികിത്സയിലായിരുന്നു. വെള്ളിയാഴ്ച അസുഖം മൂര്‍ച്ഛിച്ചതിനെ തുടര്‍ന്ന് മംഗളൂരുവിലെ ആശുപത്രിയില്‍ പ്രവേശിപ്പിച്ചതായിരുന്നു. ശനിയാഴ്ച ഉച്ചയോടെയാണ് മരണം സംഭവിച്ചത്.

തളങ്കര ദഖീറത്ത് ഇംഗ്ലീഷ് മീഡിയം ഹയര്‍ സെക്കന്‍ഡറി സ്‌കൂളില്‍ എട്ടാം ക്ലാസില്‍ പഠിക്കുമ്പോഴാണ് റുബയ്ക്ക് അസുഖം ബാധിച്ചത്. ഏക സഹോദരി റൗഹ. ഖബറടക്കം മാലിക് ദീനാര്‍ ജുമാമസ്ജിദ് ഖബര്‍സ്ഥാനില്‍ നടക്കും.