Accident | ഒരു നിമിഷം മതി ജീവിതം മാറാൻ! നായയുടെ പിറകെ പോയ യുവാവ് മൂന്നാം നിലയിൽ നിന്ന് താഴേക്ക് വീണ് മരിക്കുന്ന ദൃശ്യങ്ങൾ വൈറൽ
● സംഭവം നടന്നത് ഹൈദരാബാദിലെ ചന്ദനഗറിലെ വിവി പ്രൈഡ് ഹോട്ടലിൽ.
● സുഹൃത്തിൻ്റെ ജന്മദിന പാർട്ടിയിൽ പങ്കെടുക്കാനെത്തിയതായിരുന്നു ഉദയ്.
● പൊലീസ് കേസെടുത്ത് അന്വേഷണം ആരംഭിച്ചു.
ഹൈദരാബാദ്: (KasargodVartha) നഗരത്തിൽ നായയെ ഓടിക്കുന്നതിനിടെ അബദ്ധത്തിൽ കാൽ വഴുതി മൂന്നാം നിലയിൽ നിന്ന് താഴേക്ക് വീണ് 23 കാരൻ മരിച്ചു. ചന്ദനഗറിലെ വിവി പ്രൈഡ് ഹോട്ടലിൽ തിങ്കളാഴ്ചയായിരുന്നു സംഭവം. സുഹൃത്തിൻ്റെ ജന്മദിന പാർട്ടിയിൽ പങ്കെടുക്കാനെത്തിയ ഉദയ് എന്ന യുവാവാണ് മരിച്ചത്.
സോഷ്യൽ മീഡിയയിൽ വ്യാപകമായി പ്രചരിച്ച വീഡിയോയിൽ ഉദയ് തന്റെ മുറിയിൽ നിന്ന് ഇറങ്ങി ഹോട്ടൽ ഇടനാഴിയിൽ ഒരു നായയെ കണ്ടുമുട്ടുന്നത് കാണാം. ആദ്യം അവൻ നായയെ ഓടിക്കാൻ ശ്രമിച്ചെങ്കിലും പിന്നീട് തമാശയ്ക്ക് അതിനെ പിന്തുടരാൻ തുടങ്ങി. നിമിഷങ്ങൾക്കകം, നായയെ പിന്തുടർന്ന ഉദയ് തുറന്നിട്ട ജനാലയിലൂടെ കാൽ വഴുതി താഴേക്ക് വീണു. ഏതാനും നിമിഷങ്ങൾക്കുള്ളിൽ ഉദയ് മരണത്തിനു കീഴടങ്ങുകയായിരുന്നു.
Hyderabad: Young Man Falls to Death After Being Chased by Dog at Hotel
— Sudhakar Udumula (@sudhakarudumula) October 22, 2024
Incident at VV Pride Hotel in Chandanagar Police Station Limits
A tragic incident unfolded at VV Pride Hotel in Chandanagar, where a 24-year-old man, Uday Kumar, died after falling from the third floor of… pic.twitter.com/cIFKMYP8Dl
പോളിടെക്നിക് വിദ്യാർത്ഥിയായ ഉദയ് സുഹൃത്തിൻ്റെ ജന്മദിനം ആഘോഷിക്കാൻ സുഹൃത്തുക്കൾക്കൊപ്പം അശോക് നഗറിലും ജ്യോതി നഗറിലും ഒത്തുകൂടിയിരുന്നു. ആഘോഷം തുടരാൻ സംഘം പിന്നീട് വിവി പ്രൈഡ് ഹോട്ടലിലേക്ക് മാറി. ആകസ്മിക മരണം സുഹൃത്തുക്കളെയും കുടുംബാംഗങ്ങളെയും ഞെട്ടിച്ചിരിക്കുന്നു. സംഭവത്തിൽ ചന്ദനഗർ പൊലീസ് കേസെടുത്തു അന്വേഷണം ആരംഭിച്ചു. മൃതദേഹം പോസ്റ്റ്മോർട്ടത്തിനായി ഗാന്ധി ആശുപത്രിയിലേക്ക് മാറ്റി.
#Hyderabad #accident #death #dog #viralvideo #hotel #birthdayparty #tragedy #news
