യൂത് ലീഗ് പിരിച്ച പണം വെട്ടിപ്പ് നടത്തിയതായുള്ള ആരോപണം; നേതാക്കൾ മൗനം വെടിയണം: നാഷണൽ യൂത് ലീഗ്

വിദേശ നാടുകളില്‍ നിന്നും വെള്ളിയാഴ്ച മുസ്ലിം പള്ളികളില്‍ നിന്നുമായി നടത്തിയ വന്‍തുക പിരിച്ചെടുത്തിട്ടുണ്ടെന്നും ഫിറോസ് നയിച്ച 2019 ലെ യുവജന യാത്രയുടെ കടം വീട്ടുന്നതിന് ഇതിൽ നിന്നും 15 ലക്ഷത്തോളം രൂപ വകമാറ്റി ചെലവഴിച്ചെന്ന യൂസഫിന്റെ വെളിപ്പെടുത്തല്‍ ലജ്ജിപ്പിക്കുന്നതാണെന്നും യൂത് ലീഗും ലീഗും സമൂഹത്തെ രാഷ്ട്രീയമായി മാത്രമല്ല സാമ്പത്തികമായും ചൂഷണം ചെയ്യുന്നതിന്റെ ഉദാഹരണമാണ് പുറത്തുവരുന്നതെന്നും നേതാക്കൾ പറഞ്ഞു.

പിച്ചചട്ടിയില്‍ കൈയിട്ടു വാരിയ അത്യന്തം ഹീനമായ നടപടിയാണിതെന്നും പണപ്പിരിവ് സംബന്ധിച്ച് പൊതുസമൂഹത്തിന്റെ ആശങ്ക ദൂരീകരിക്കാന്‍ ലീഗ് നേതൃത്വം തയ്യാറാവണമെന്നും സമാഹരിക്കപ്പെട്ട തുക അര്‍ഹതപ്പെട്ട കൈകളിലെത്തിക്കാന്‍ നടപടി സ്വീകരിക്കണമെന്നും നാഷണൽ യൂത് ലീഗ് പ്രസിഡന്റ്‌ അഡ്വ. ശെയ്ഖ് ഹനീഫ്, സെക്രടറി ഹനീഫ് പി എച്, ട്രഷറർ സിദ്ദീഖ് ചേരങ്കൈ ആവശ്യപ്പെട്ടു. < !- START disable copy paste -->