കുപ്പിവെള്ളം 11 രൂപയ്ക്ക് വില്‍ക്കാനാവശ്യമായ നടപടികള്‍ ആരംഭിക്കുമെന്ന് ഭക്ഷ്യമന്ത്രി

By Web Desk - MainJun 17, 2019, 11:31 IST

തിരുവനന്തപുരം: (www.kasargodvartha.com 17.06.2019) നിത്യോപയോഗ സാധനങ്ങളുടെ വില വര്‍ദ്ധനവ് ചര്‍ച്ച ചെയ്യണമെന്നാവശ്യപ്പെട്ട് പ്രതിപക്ഷത്തിന്റെ അടിയന്തിര പ്രമേയ നോട്ടീസ്. കാലാവസ്ഥ മാറ്റമാണ് വില വര്‍ദ്ധനയ്ക്ക് കാരണമെന്ന് ഭക്ഷ്യമന്ത്രി പി തിലോത്തമന്‍ ഇതിന് മറുപടി നല്‍കി. കുപ്പി വെള്ളത്തെ അവശ്യ വസ്തുവിന്റെ പരിധിയില്‍ ഉള്‍പ്പെടുത്തുമെന്നും കുപ്പിവെള്ളം 11 രൂപയ്ക്ക് വില്‍ക്കാനാവശ്യമായ നടപടികള്‍ ആരംഭിക്കുമെന്നും മന്ത്രി വ്യക്തമാക്കി.

ജനങ്ങള്‍ നേരിടുന്ന പ്രതിസന്ധി മറികടക്കുന്നതില്‍ സര്‍ക്കാര്‍ പരാജയമാണെന്ന് എം വിന്‍സെന്റ് എം എല്‍ എ കുറ്റപ്പെടുത്തി. അടിയന്തര പ്രമേയത്തിന് സ്പീക്കര്‍ അവതരണാനുമതി നിഷേധിച്ചു.