സംസ്ഥാനത്ത് അതിശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ വകുപ്പ്; 9 ജില്ലകളില് യെലോ അലേര്ട്
Nov 18, 2021, 09:28 IST
തിരുവനന്തപുരം: (www.kasargodvartha.com 18.11.2021) സംസ്ഥാനത്ത് വ്യാഴാഴ്ച അതിശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. വെള്ളിയാഴ്ച വരെ ശക്തമായ മഴ സാധ്യത പ്രവചിക്കപ്പെട്ടിട്ടുണ്ട്. ഒന്പത് ജില്ലകളില് യെലോ അലേര്ട് പ്രഖ്യാപിച്ചു. പത്തനംതിട്ട, കോട്ടയം, തൃശൂര്, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെലോ അലേര്ട്.
ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് താമസിക്കുന്നവര് ജാഗ്രത പാലിക്കണമെന്നും മുന്നറിയിപ്പുണ്ട്. അതേസമയം, മലയോര മേഖലയില് ശക്തമായ മഴയ്ക്കുള്ള സാധ്യതയുള്ളതിനാല് യെലോ അലേര്ടാണെങ്കിലും ഓറന്ജ് അലേര്ടിന് സമാനമായ ജാഗ്രത പാലിക്കേണ്ടതുണ്ടെന്നും അറിയിക്കുന്നു.
തിരുവല്ല താലൂകിലെ നിരണം, കടപ്ര, പെരിങ്ങര, നെടുമ്പ്രം പഞ്ചായത്തുകളിലെ പ്രൊഫഷണല് കോളജുകള് ഉള്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച അവധി പ്രഖ്യാപിച്ചിട്ടുണ്ട്. പത്തനംതിട്ട ജില്ലയിലെ ദുരിതാശ്വാസ ക്യാംപുകള് പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചു.
Keywords: News, Kerala, Thiruvananthapuram, Top-Headlines, Rain, ALERT, Trending, Warning of heavy rains in Kerala
