ബകറ്റിലെ വെള്ളത്തിൽ വീണ് ഒരുവയസുകാരി മരിച്ചു; അപകടം ഗൾഫിലുള്ള പിതാവ് നാട്ടിൽ വരാനിരിക്കെ

മലപ്പുറം: (www.kasargodvartha.com 14.02.2022) ബകറ്റിലെ വെള്ളത്തിൽ വീണ് ഒരുവയസുകാരി മരിച്ചു. നിലമ്പൂർ പാത്തിപ്പാറ തരിയന്‍ക്കോടന്‍ ഇര്‍ശാദിന്റെ മകള്‍ ഇശയാണ് മരിച്ചത്. തിങ്കളാഴ്ച രാവിലെ 11 മണിയോടെയാണ് അപകടം സംഭവിച്ചത്.

കളിച്ച് കൊണ്ടിരിക്കുകയായിരുന്ന കുട്ടിയെ പെട്ടെന്ന് കാണാതാവുകയായിരുന്നു. തുടർന്ന് വീട്ടുകാരും സമീപവാസികളും ചേർന്ന് അരമണിക്കൂറോളം നടത്തിയ തിരച്ചിലിനൊടുവിലാണ് സമീപത്തുള്ള ബകറ്റിൽ കുഞ്ഞിനെ വെള്ളത്തിൽ മുങ്ങിയ നിലയിൽ കണ്ടത്. ഉടൻ നിലമ്പൂരിലുള്ള ജില്ലാ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

  


കുട്ടിയുടെ പിതാവ് ഗൾഫിൽ നിന്നും നാട്ടിലേക്ക് വരാനിരിക്കെയാണ് അപകടം സംഭവിച്ചത്. അപ്രതീക്ഷിത ദുരന്തം നാടിനൊന്നാകെ കണ്ണീരായി മാറി. < !- START disable copy paste -->