കുമ്പളയിലും മൊഗ്രാലിലും കഞ്ചാവ് വില്‍പ്പന സജീവം

കുമ്പള: കഞ്ചാവിന്റെ വില്‍പ്പനയും ഉപയോഗവും കുമ്പളയിലും, മൊഗ്രാലിലും വര്‍ദ്ധിച്ചു വരുന്നതായി പരാതി.  അടുത്തകാലത്ത് പോലീസ് കുമ്പള, മൊഗ്രാല്‍ പ്രദേശങ്ങളില്‍ നിന്ന് പിടികൂടിയ കഞ്ചാവ് കേസുകളില്‍ പ്രതിയാക്കപ്പെട്ടവര്‍ക്ക് ചെറിയ വകുപ്പുകള്‍ പ്രകാരം കേസില്‍ നിന്ന് രക്ഷപ്പെട്ടതോടെയാണ് കഞ്ചാവ് വില്‍പ്പന ഈ പ്രദേശങ്ങളില്‍ പൊടിപൊടിക്കുന്നത്. നേരത്തെ ജില്ലയിലെ കാസര്‍കോട്, പാലക്കുന്ന്, പള്ളിക്കര, കാഞ്ഞങ്ങാട്, ചെറുവത്തൂര്‍, തൃക്കരിപ്പൂര്‍ ഭാഗങ്ങളില്‍ സജീവമായി വില്‍പന നടന്നിരുന്നു. പോലീസ് നടപടികള്‍ കര്‍ശനമാക്കിയതോടെ ഉപ്പള-കുമ്പള, മൊഗ്രാല്‍, എരിയാല്‍ പ്രദേശങ്ങള്‍ കേന്ദ്രീകരിച്ചാണ് വില്‍പ്പന നടക്കുന്നത്. ഇവിടങ്ങളലേക്ക് മംഗലാപുരത്ത് നിന്നാണ് വന്‍തോതില്‍ കഞ്ചാവ് എത്തുന്നത്. ഇതിനായി കഞ്ചാവ് എത്തിക്കുന്നതിനായി പ്രത്യേക ഏജന്റുമരും, താവളവും പ്രവര്‍ത്തിച്ചുവരുന്നതായാണ് സൂചന.