ജാനകി വധം: മഹാരാഷ്ട്ര രജിസ്‌ട്രേഷനില്‍ സഞ്ചരിച്ച വാഹനത്തിലുള്ളവര്‍ക്ക് കൊലയുമായുള്ള ബന്ധം തെളിഞ്ഞില്ല

ചെറുവത്തൂര്‍: (www.kasargodvartha.com 18.12.2017) ചീമേനി പുലിയന്നൂരിലെ റിട്ട. പ്രധാനാധ്യാപിക പി വി ജാനകിയെ (65) കഴുത്തറുത്ത് കൊലപ്പെടുത്തിയത് മഹാരാഷ്ട്ര രജിസ്‌ട്രേഷനില്‍ സഞ്ചരിച്ച വാഹനത്തിലുള്ളവരാണെന്ന് തെളിഞ്ഞില്ല. മഹാരാഷ്ട്ര സാംഗ്ലിയിലെ പിക്കപ്പ് വാനില്‍ എത്തിയ മൂന്നംഗ സംഘമാണ് ജാനകിയെ കൊലപ്പെടുത്തിയതെന്ന നിഗമനമാണ് ഇതുവരെ പോലീസ് വെച്ചുപുലര്‍ത്തിയിരുന്നത്. പുലിയന്നൂരിലെ ചില സ്ഥാപനങ്ങളില്‍ സ്ഥാപിച്ച സിസിടിവി ക്യാമറകളില്‍ ഈ വാഹനം പതിഞ്ഞിരുന്നു.



അനാര്‍ പഴവുമായാണ് ഈ വാഹനം പുലിയന്നൂരില്‍ എത്തിയതെന്നാണ് ഇപ്പോള്‍ പോലീസിന് ലഭിച്ച വിവരം. മഹാരാഷ്ട്രയിലെത്തിയ അന്വേഷണ സംഘം മഹാരാഷ്ട്ര രജിസ്‌ട്രേഷന്‍ വാഹനത്തില്‍ സഞ്ചരിച്ചവരുടെ പേര് വിവരങ്ങളുംഫോട്ടോയും ശേഖരിച്ചാണ് നാട്ടിലെത്തിയത്. ഇവരുടെ ഫോട്ടോകള്‍ ആശുപത്രിയില്‍ കഴിയുന്ന കൃഷ്ണന് കാണിച്ചപ്പോള്‍ രൂപസാദൃശ്യം വെച്ച് ഇവരാരും അല്ലെന്നാണ് മൊഴി ലഭിച്ചത്.

കുമ്പള സി ഐ വി.വി മനോജിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് സാംഗ്ലി ജില്ലയില്‍ അന്വേഷണം നടത്തിയത്.

Related News:

ജാനകി വധം: പ്രത്യേക സ്‌ക്വാഡ് അന്വേഷണം തുടങ്ങി, അന്യസംസ്ഥാന തൊഴിലാളിയടക്കം നിരവധി പേരെ ചോദ്യം ചെയ്തു

റിട്ട. അദ്ധ്യാപികയെ മുഖംമൂടി ധരിച്ചെത്തിയ മോഷ്ടാക്കള്‍ കഴുത്തറുത്ത് കൊലപ്പെടുത്തി ; ഭര്‍ത്താവിനും കഴുത്തിന് വെട്ടേറ്റു, 60,000 രൂപയും മോതിരവും കവര്‍ന്നു

നാടിനെ നടുക്കി റിട്ട. അധ്യാപികയുടെ കൊല; മുഖംമൂടി ധരിച്ച കൊലയാളികള്‍ ഹിന്ദി സംസാരിച്ചതായി വെട്ടേറ്റ ഭര്‍ത്താവിന്റെ മൊഴി