സംസ്ഥാനത്ത് ബുധനാഴ്ച 22,414 പേര്ക്ക് കോവിഡ്; കാസര്കോട് 685 പേര്
കാസര്കോട്: (www.kasargodvartha.com 21.04.2021) സംസ്ഥാനത്ത് ബുധനാഴ്ച 22,414 പേര്ക്ക് കോവിഡ്-19 സ്ഥിരീകരിച്ചു. എറണാകുളം 3980, കോഴിക്കോട് 2645, തൃശൂര് 2293, കോട്ടയം 2140, തിരുവനന്തപുരം 1881, മലപ്പുറം 1874, കണ്ണൂര് 1554, ആലപ്പുഴ 1172, പാലക്കാട് 1120, കൊല്ലം 943, പത്തനംതിട്ട 821, ഇടുക്കി 768, കാസര്കോട് 685, വയനാട് 538 എന്നിങ്ങനെയാണ് ജില്ലകളില് ബുധനാഴ്ച രോഗ ബാധ സ്ഥിരീകരിച്ചത്.
കാസർകോട് ജില്ലയിൽ 685 പേർക്ക് കോവിഡ്, 133 പേർക്ക് രോഗമുക്തി
കാസർകോട് ജില്ലയിൽ 685 പേർ കൂടി കോവിഡ്-19 പോസിറ്റീവായി. ചികിത്സയിലുണ്ടായിരുന്ന 133 പേർ കോവിഡ് നെഗറ്റീവായതായി ജില്ലാ മെഡിക്കൽ ഓഫീസർ (ഹെൽത്ത്) ഡോ. എ.വി. രാംദാസ് അറിയിച്ചു. നിലവിൽ 5786 പേരാണ് കോവിഡ് ചികിത്സയിലുള്ളത്.
വീടുകളിൽ 9677 പേരും സ്ഥാപനങ്ങളിൽ 708 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 10385 പേരാണ്. പുതിയതായി 1020 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 4392 സാമ്പിളുകൾ കൂടി പരിശോധനയ്ക്ക് അയച്ചു. 1227 പേരുടെ പരിശോധനാ ഫലം ലഭിക്കാനുണ്ട്. 628 പേർ നിരീക്ഷണ കാലയളവ് പൂർത്തിയാക്കി. 869 പേരെ ആശുപത്രികളിലും കോവിഡ് കെയർ സെന്ററുകളിലുമായി പ്രവേശിപ്പിച്ചു. ആശുപത്രികളിൽ നിന്നും കോവിഡ് കെയർ സെന്ററുകളിൽ നിന്നും 133 പേരെ ഡിസ്ചാർജ് ചെയ്തു. 39594 പേർക്കാണ് ജില്ലയിൽ ഇതുവരെ കോവിഡ് സ്ഥിരീകരിച്ചത്. 33465 പേർക്ക് ഇതുവരെ കോവിഡ് നെഗറ്റീവായി.
Keywords: News, Kerala, Thiruvananthapuram, COVID-19, Report, Trending, Top-Headlines, Covid Report In Kerala.
