കാസര്‍കോട്ട് 168 പേരില്‍ 164 പേര്‍ക്കും കോവിഡ് സമ്പര്‍ക്കത്തിലൂടെ; 123 പേര്‍ക്ക് രോഗമുക്തി

By Web Desk - MainAug 7, 2020, 18:52 IST

കാസര്‍കോട്: (www.kasargodvartha.com 07.08.2020) ജില്ലയില്‍ വെള്ളിയാഴ്ച കോവിഡ് സ്ഥിരീകരിച്ച 168 പേരില്‍ 164 പേര്‍ക്കും രോഗം സമ്പര്‍ക്കത്തിലൂടെ. വിദേശത്ത് നിന്നെത്തിയ നാല് പേര്‍ക്കും കോവിഡ് പോസിറ്റീവായി. 123 പേര്‍ക്ക് കോവിഡ് നെഗറ്റീവായി. വീടുകളില്‍ 3185 പേരും സ്ഥാപനങ്ങളില്‍ 1313 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 4422 പേരാണ്.

പുതിയതായി 320 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 971 സാമ്പിളുകള്‍ കൂടി പരിശോധനയ്ക്ക് അയച്ചു. 892 പേരുടെ പരിശോധനാ ഫലം ലഭിക്കാനുണ്ട്. 227 പേര്‍ നിരീക്ഷണ കാലയളവ് പൂര്‍ത്തിയാക്കി. ആശുപത്രികളിലും കോവിഡ് കെയര്‍ സെന്ററുകളിലുമായി 155 പേരെ നിരീക്ഷണത്തിലാക്കി.