Disease | ചൈനയ്ക്ക് ശേഷം പല രാജ്യങ്ങളിലും നിഗൂഢമായ ന്യുമോണിയ പടരുന്നു; ഇരയാകുന്നത് കുട്ടികൾ; ലക്ഷണങ്ങൾ ഇവയാണ്; ഇക്കാര്യങ്ങൾ ശ്രദ്ധിച്ചാൽ രോഗം തടയാം

വാഷിംഗ്ടൺ:  (KasargodVartha) ചൈനയ്ക്ക് ശേഷം, ഇപ്പോൾ അമേരിക്കയിലും കുട്ടികളിൽ നിഗൂഢമായ ന്യുമോണിയ കേസുകൾ റിപ്പോർട്ട് ചെയ്യുന്നു. യുഎസ് സംസ്ഥാനമായ ഒഹിയോയിൽ 142 കേസുകൾ രജിസ്റ്റർ ചെയ്തു. കൂടാതെ, ഡെന്മാർക്കിലും നെതർലാൻഡിലും രോഗം റിപ്പോർട്ട് ചെയ്തിട്ടുണ്ട്. ഈ നിഗൂഢ ന്യുമോണിയയെ 'വൈറ്റ് ലംഗ് സിൻഡ്രോം' എന്നാണ് വിളിക്കുന്നത്. മൂന്ന് മുതൽ എട്ട് വയസ് വരെ പ്രായമുള്ള കുട്ടികളെയാണ് രോഗം കൂടുതലായി ബാധിക്കുന്നത്. വൈറ്റ് ലംഗ് സിൻഡ്രോമിന്റെ ത്യമായ കാരണങ്ങളൊന്നും ഇതുവരെ കണ്ടെത്തിയിട്ടില്ല.

എന്താണ് വൈറ്റ് ലംഗ് സിൻഡ്രോം?

ഈ അണുബാധ ശ്വാസകോശത്തെയാണ് ബാധിക്കുന്നത്. രോഗം ബാധിച്ചതിന് ശേഷം ശ്വാസകോശത്തിൽ വെളുത്ത നിറമുള്ള പാടുകൾ പ്രത്യക്ഷപ്പെടാൻ തുടങ്ങുന്നു. തുടക്കത്തിൽ സൗമ്യമാണെങ്കിലും പിന്നീട് ഗുരുതരമാകാം. രോഗത്തിന്റെ കാരണം ഇതുവരെ വെളിപ്പെടുത്തിയിട്ടില്ലെങ്കിലും, തുമ്മുമ്പോഴോ ചുമയ്ക്കുമ്പോഴോ പുറത്തുവിടുന്ന തുള്ളികളിലൂടെ ഇത് മറ്റൊരാളിലേക്ക് ബാധിക്കാം. മാത്രമല്ല, വൃത്തിഹീനമായ കൈകളിലൂടെയും വ്യാപിക്കും

ലക്ഷണങ്ങൾ 

* ശ്വാസതടസം - പതിവ് പ്രവർത്തനങ്ങളിൽ പോലും ശ്വസിക്കാനോ ശ്വാസം പിടിക്കാനോ ബുദ്ധിമുട്ട്

* നെഞ്ചുവേദന - നെഞ്ചിലോ തോളിലോ പുറകിലോ സ്ഥിരമായ അസ്വസ്ഥത അല്ലെങ്കിൽ വേദന

* ക്ഷീണം - മതിയായ വിശ്രമത്തിന് ശേഷവും കഠിനമായ ക്ഷീണവും ഊർജക്കുറവും,

* ഇതുകൂടാതെ, ഭാരം നഷ്ടം, ചുമയും ജലദോഷവും, മൂക്കൊലിപ്പ്, തൊണ്ടവേദന, ജലദോഷം എന്നിവയും  ഇതിന്റെ പ്രധാന ലക്ഷണങ്ങളാണ്.

ഇത് എങ്ങനെ തടയാം?

മിക്ക ശ്വാസകോശ രോഗങ്ങളും നല്ല ശുചിത്വത്തിലൂടെ തടയാൻ കഴിയും. 

* ഭക്ഷണം കഴിക്കുകയോ വായിൽ തൊടുകയോ ചെയ്യുന്നതിനുമുമ്പ് സോപ്പ് ഉപയോഗിച്ച് കൈകൾ നന്നായി കഴുകുക.

* തുമ്മുമ്പോൾ വായും മൂക്കും മൂടുക.

* ഉപയോഗിച്ച ടിഷ്യു ചവറ്റുകുട്ടയിൽ മാത്രം എറിയുക, തുറസായ സ്ഥലത്ത് വലിച്ചെറിയരുത്.

* നിങ്ങൾക്ക് അസുഖമുണ്ടെങ്കിൽ വീട്ടിൽ തന്നെ ഇരിക്കുക, പുറത്തിറങ്ങുന്നത് ഒഴിവാക്കുക.

* പുറത്തിറങ്ങുമ്പോൾ മാസ്ക് ഉപയോഗിക്കുക. 

* സാനിറ്റൈസർ ഉപയോഗിച്ച് കൈകൾ ഇടയ്ക്കിടെ വൃത്തിയാക്കുക. 

* തുറസായ സ്ഥലത്ത് വെച്ചിരിക്കുന്നവ കഴിക്കുകയോ കുടിക്കുകയോ ചെയ്യുന്നത് ഒഴിവാക്കുക.

Keywords: Disease, Mystery,  Lung,  House, Place, Helth News, Mask, National Nwes, Malayalam News, News  What is White Lung Syndrome? Mystery illness sparks fear as cases rise