ബസിനു നേരെ നടത്തിയ കല്ലേറില്‍ തലയ്ക്ക് പരിക്കേറ്റ യുവാവ് ആശുപത്രിയില്‍

By Web Desk - MainDec 17, 2018, 14:29 IST

കാസര്‍കോട്: (www.kasargodvartha.com 17.12.2018) ബസിനു നേരെ നടത്തിയ കല്ലേറില്‍ തലയ്ക്ക് പരിക്കേറ്റ യുവാവിനെ ആശുപത്രിയില്‍ പ്രവേശിപ്പിച്ചു. പേരാല്‍ നീരോളി കോളനിയിലെ സോമയ്യയുടെ മകന്‍ ഉദയനെ (30)യാണ് കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചത്. ഞായറാഴ്ച രാത്രിയാണ് സംഭവം.

ഹിന്ദുസമാജോത്സവം കഴിഞ്ഞ് മടങ്ങുകയായിരുന്ന ബസിനു നേരെ എസ് പി നഗറില്‍ വെച്ച് അജ്ഞാതര്‍ കല്ലേറ് നടത്തുകയായിരുന്നുവെന്ന് ആശുപത്രിയില്‍ കഴിയുന്ന ഉദയന്‍ പരാതിപ്പെട്ടു.