Sisters Performance | മഹാരാഷ്ട്രയിൽ നിന്നെത്തി സംസ്ഥാന സ്‌കൂൾ കലോത്സവത്തിൽ വിസ്മയം തീർത്ത് സഹോദരിമാർ; കാസർകോടിന് അഭിമാനമായി അർഫയും ത്വയ്ബയും; മത്സരിച്ച ഇനങ്ങളിൽ എ ഗ്രേഡോടെ ഒന്നാം സ്ഥാനം

കാസർകോട്: (KasargodVartha) മഹാരാഷ്ട്രയിൽ നിന്നെത്തി സംസ്ഥാന സ്‌കൂൾ കലോത്സവത്തിൽ വിസ്മയം തീർത്ത് സഹോദരിമാർ നാടിന് അഭിമാനമായി. ഹയർ സെകൻഡറി വിഭാഗം ഉറുദു കഥാരചനയിൽ എ ഗ്രേഡോടെ ഒന്നാം സ്ഥാനം നേടി അർഫ ഉമറും ഉറുദു പദ്യം ചൊല്ലലിൽ എ ഗ്രേഡോടെ ഒന്നാം സ്ഥാനം കരസ്ഥമാക്കി ത്വയ്ബ ഉമറുമാണ് നേട്ടം കൈവരിച്ചത്. ഇരുവരും നായ്മാർമൂല തൻബീഹുൽ ഇസ്ലാം ഹയർ സെക്കൻഡറി സ്‌കൂളിലേ പ്ലസ് ടു വിദ്യാർഥിനികളാണ്.
   മഹാരാഷ്ട്ര കോലാപൂർ സ്വദേശിയായ ഉമർ ഫാറൂഖ് - കാസർകോട് സ്വദേശിനിയായ ഖദീജ ദമ്പതികളുടെ മക്കളാണ് ഈ മിടുക്കികൾ. രണ്ടുപേരും ജനിച്ചതും വളർന്നതുമെല്ലാം കോലാപൂരിൽ തന്നെയായിരുന്നു. പത്താം ക്ലാസ് വരെ അവിടെയായിരുന്നു പഠനം. ശേഷം തുടർപഠനത്തിനാണ് ഇവർ കാസർകോട്ട് എത്തിയത്. പഠനത്തോടൊപ്പം പാഠ്യേതര മേഖലയിലും മികവ് പ്രകടിപ്പിച്ച് ഇവർ ഏവരുടെയും മനം കവർന്നു.