ഷഹീറിന്റെ മരണം; മാതാപിതാക്കള്‍ മുഖ്യമന്ത്രിയെ കണ്ടു, മൃതദേഹം പുറത്തെടുത്ത് പോസ്റ്റുമോര്‍ട്ടം നടത്തണമെന്ന് ആവശ്യം

പടന്ന:  (www.kasargodvartha.com 05.10.2018) എടവണ്ണ ജാമിഅ ഹയര്‍ സെക്കന്‍ഡറി സ്‌കൂള്‍ പ്ലസ് ടു വിദ്യാര്‍ത്ഥിയായിരുന്ന പടന്ന കൊട്ടയന്താറിലെ ഷഹീറിന്റെ (17) മരണത്തില്‍ ദുരൂഹതയുണ്ടെന്ന് കാണിച്ച് മാതാപിതാക്കള്‍ മുഖ്യമന്ത്രി പിണറായി വിജയനെ കണ്ടു. പടന്ന കോട്ടയന്താറിലെ പി.വി സാദിഖ്, ഭാര്യ പി.എന്‍ സാജിദ എന്നിവരാണ് ആക്ഷന്‍ കമ്മിറ്റി ഭാരവാഹികളോടൊപ്പം തിരുവനന്തപുരത്തെത്തി എം രാജഗോപാലന്‍ എംഎല്‍എയുടെ നേതൃത്വത്തില്‍ മുഖ്യമന്ത്രിയെ കണ്ടത്.



ഷഹീറിന്റെ മരണം അപകടത്തില്‍പെടുത്തല്‍ മൂലമാണെന്നാണ് മാതാപിതാക്കള്‍ സംശയിക്കുന്നത്. മൃതദേഹം പുറത്തെടുത്ത് വീണ്ടും പോസ്റ്റുമോര്‍ട്ടം നടത്തണമെന്ന് മാതാപിതാക്കള്‍ ആവശ്യപ്പെട്ടു. കാര്യങ്ങള്‍ പരിശോധിച്ചു വേണ്ടതു ചെയ്യുമെന്നു മുഖ്യമന്ത്രി അറിയിച്ചു.