വലിയപറമ്പില്‍ കടലാക്രമണം രൂക്ഷം; 30 ഓളം തെങ്ങുകള്‍ കടപുഴകി

By Web Desk - MainJun 30, 2019, 11:28 IST

തൃക്കരിപ്പൂര്‍: (www.kasargodvartha.com 30.06.2019) വലിയപറമ്പ് തീരപ്രദേശത്ത് കടലാക്രമണം രൂക്ഷം. 30 ഓളം തെങ്ങുകള്‍ കടപുഴകി മാവിലാക്കടപ്പുറംപന്ത്രണ്ടില്‍ ഭാഗങ്ങളിലാണ് തെങ്ങുകള്‍ കടപുഴകിയിരിക്കുന്നത്. തീരദേശ റോഡും കടലെടുക്കുകയാണ്. കെ മധു, കെ ചന്ദ്രശേഖരന്‍, വി നാരായണന്‍ തുടങ്ങിയവരുടെ തെങ്ങുകളാണ് കടപുഴകിയത്.

പ്രദേശത്തെ വീട്ടുകാരും ഇതോടെ ഭീതിയിലായിരിക്കുകയാണ്. ഏതാണ്ട് 100 മീറ്റര്‍ ദൂരം കര കടലെടുത്തുകഴിഞ്ഞു. നാശം നേരിട്ടവര്‍ക്ക് സഹായം നല്‍കണമെന്ന് പഞ്ചായത്ത് പ്രസിഡണ്ട് എം ടി അബ്ദുല്‍ ജബ്ബാര്‍ ആവശ്യപ്പെട്ടു.