Polio vaccine | 'പോളിയോ തുള്ളിമരുന്ന് മറക്കല്ലേ'; സ്വന്തം ജീവിതം പറഞ്ഞ് മുച്ചക്ര വാഹനത്തിൽ ഹകീം കമ്പാറിന്റെ വേറിട്ട പ്രചാരണം

പോളിയോ രോഗ ബാധിതനായ ഹകീം തന്റെ ജീവിതാനുഭവങ്ങൾ മുൻ നിർത്തിയാണ് ജനങ്ങളോട് സംവദിച്ചത്. അറിവില്ലായ്മയും അജ്ഞതയും അന്ധവിശ്വാസവും മൂലം പലരും പോളിയോ തുള്ളി മരുന്ന് നൽകാൻ മടിക്കുകയാണെന്നും പ്രചാരണരത്തിന് പോളിയോ ബാധിതർ തന്നെ മുൻകൈ എടുക്കുമ്പോൾ അതിന് മാറ്റം ഉണ്ടാകുമെന്നും ഹകീം കമ്പാർ പറഞ്ഞു. കഴിഞ്ഞ 15 വർഷമായി പോളിയോ ബോധവത്കരണത്തിൽ പങ്കാളിയാണ് ഇദ്ദേഹം.

ജെനറൽ ആശുപത്രി ഡെപ്യൂടി സൂപ്രണ്ട് ഡോ. ജമാൽ അഹ്‌മദ്‌ യാത്ര ഫ്‌ലാഗ് ഓഫ് ചെയ്തു. പൾസ് പോളിയോ പ്രചരണത്തിനായി സ്വയം മുന്നോട്ട് വന്ന ഹകീം കമ്പാറിനെ അദ്ദേഹം പ്രത്യേകം അഭിനന്ദിച്ചു. ടെക്നികൽ അസിസ്റ്റന്റ് രാംദാസ്, ഡെപ്യൂടി മാസ് മീഡിയ ഓഫീസർ പ്രശാന്ത്, മലേറിയ ഓഫീസർ വേണുഗോപാൽ, നഴ്സിംഗ് സുപ്രണ്ട്‌ മാലതി ടി തുടങ്ങിയവർ സംബന്ധിച്ചു.

മാർച് മൂന്നിന് ഞായറാഴ്ച രാവിലെ എട്ട് മണി മുതൽ വൈകീട്ട് അഞ്ച് വരെയാണ് പ്രത്യേകം സജ്ജീകരിച്ച ബൂതുകളിൽ അഞ്ച് വയസിന് താഴെ പ്രായമുള്ള മുഴുവൻ കുട്ടികൾക്കും പോളിയോ തുള്ളി മരുന്ന് നൽകുന്നത്. കാസർകോട് നഗരസഭ പരിധിയിൽ 57 ബൂതുകൾ ഇതിന് വേണ്ടി സജ്ജീകരിച്ചിട്ടുണ്ട്. 3976 കുട്ടികളാണ് അഞ്ച് വയസിന് താഴെയായി കാസർകോട് നഗരസഭ പരിധിയിലുള്ളത്.

Keywords: News, Kerala, Kasaragod, Polio Vaccine, Campaign, Malayalam News, Health, Muncipality, Polio immunisation campaign held.

< !- START disable copy paste -->