അതിർത്തിയിൽ രണ്ടിടത്ത് വൻ കഞ്ചാവ് വേട്ട; ബസിലും വീട്ടിലും സൂക്ഷിച്ച കഞ്ചാവ് പിടിച്ചെടുത്തു; 2 പേർ അറസ്റ്റിൽ

By Web Desk AhnFeb 21, 2021, 21:53 IST

കുമ്പള: (www.kasargodvartha.com 21.02.2021) അതിർത്തിയിൽ രണ്ടിടത്ത് വൻ കഞ്ചാവ് വേട്ട. ബസിലും വീട്ടിലും സൂക്ഷിച്ച കഞ്ചാവ് എക്സൈസ് പിടിച്ചെടുത്തു. രണ്ട് പേർ അറസ്റ്റിലായി. കുമ്പള റേഞ്ച് ഇൻസ്‌പെക്ടർ എൻ നൗഫലും സംഘവും രഹസ്യ വിവരത്തിന്റെ അടിസ്ഥാനത്തിൽ മഞ്ചേശ്വരം കുബന്നൂർ ദേർജാൽ ഡി എം സകറിയ എന്ന ജിക്കിയെ വീട്ടിൽ നിന്നും ഒമ്പത് കിലോ കഞ്ചാവുമായി അറസ്റ്റ് ചെയ്തു. വിൽപ്പന നടത്താൻ വീട്ടിൽ സൂക്ഷിക്കുകയായിരുന്നു.

എക്സൈസ് പാർടിയിൽ പ്രിവൻ്റീവ് ഓഫീസർമാരായ പി രാജീവൻ, സിവിൽ എക്സൈസ് ഓഫീസർമാരായ ഹമീദ് എം, ജിജിത്കുമാർ കെ, വനിത സിവിൽ എക്‌സൈസ് ഓഫീസർ ശുഭ പി, ഡ്രൈവർ ഇ കെ സത്യൻ എന്നിവർ ഉണ്ടായിരുന്നു.

മഞ്ചേശ്വരം എക്‌സൈസ് ചെക്‌പോസ്റ്റിൽ വാഹന പരിശോധനക്കിടെ കെ എൽ 19 എഫ് 3429 കർണാടക ആർ ടി സി അന്തർ സംസ്ഥാന ബസിൽ കടത്തിയ 2.150 കിലോ കഞ്ചാവുമായി കുമ്പള ആരിക്കാടിയിലെ മുഹമ്മദ്‌ അശ്ഫാഖി (30) നെ അറസ്റ്റ് ചെയ്തു. കേസ് കുമ്പള എക്സൈസ് റേഞ്ച് ഓഫീസിന് കൈമാറി.

അതിർത്തിയിൽ രണ്ടിടത്ത് വൻ കഞ്ചാവ് വേട്ട; ബസിലും വീട്ടിലും സൂക്ഷിച്ച കഞ്ചാവ് പിടിച്ചെടുത്തു; 2 പേർ അറസ്റ്റിൽ

പ്രതി അശ്ഫാഖ് മംഗളൂരുവിൽ നിന്നും 15,000 രൂപക്ക് ഒരാളിൽ നിന്നും വാങ്ങിയതാണെന്നും കാസർകോട്ടെ ചില ഭാഗങ്ങളിൽ ചില്ലറ വിൽപനക്കായി കൊണ്ടുപോകുകയാണെന്നുമാണ് ചോദ്യം ചെയ്യലിൽ വെളിപ്പെടുത്തിയത്.

എക്‌സൈസ് ഇൻസ്‌പെക്ടർ സുധാകരൻ, പ്രിവന്റീവ് ഓഫീസർ എം രാജീവൻ, ഷെയ്ഖ് അബ്ദുൽ ബശീർ, സിവിൽ എക്‌സൈസ് ഓഫിസർമാരായ അരുൺ പി എന്നിവരാണ് വാഹന പരിശോധന നടത്തിയ എക്സൈസ് സംഘത്തിൽ ഉണ്ടായിരുന്നത്.

പ്രതികളെ കോടതിയിൽ ഹാജരാക്കി റിമാൻഡ് ചെയ്യും.

Keywords: Kerala, News, Kasaragod, Top-Headlines, Ganja seized, Ganja, Youth, Arrest, Kumba, Police, Excise, Large cannabis hunt at two places along the border.

< !- START disable copy paste -->