കാര്‍ഡ് കുടുങ്ങിയതിനെ തുടര്‍ന്ന് എ ടി എം തല്ലിത്തകര്‍ത്തു; 50,000 രൂപയുടെ നഷ്ടം, യുവാവിനെതിരെ കേസെടുത്തു

By Web Desk - MainJan 11, 2019, 19:35 IST

വിദ്യാനഗര്‍: (www.kasargodvartha.com 11.01.2019) കാര്‍ഡ് കുടുങ്ങിയതിനെ തുടര്‍ന്ന് എ ടി എം തല്ലിത്തകര്‍ത്തതിനെ തുടര്‍ന്ന് 50,000 രൂപയുടെ നഷ്ടം സംഭവിച്ചു. സംഭവത്തില്‍ ബാങ്ക് അധികൃതരുടെ പരാതിയില്‍ യുവാവിനെതിരെ പോലീസ് കേസെടുത്ത് അന്വേഷണം ആരംഭിച്ചു. ആക്സിസ് ബാങ്ക് മാനേജര്‍ പയ്യന്നൂര്‍ പുഞ്ചക്കാട്ടെ ബിജുജോണിന്റെ പരാതിയില്‍ നൗഫല്‍ എന്നയാള്‍ക്കെതിരെയാണ് പോലീസ് കേസെടുത്തിരിക്കുന്നത്.

ഇക്കഴിഞ്ഞ നാലിന് രാവിലെ 10.30 മണിയോടെയാണ് സംഭവം. ആക്സിസ് ബാങ്കിന്റെ ഉളിയത്തടുക്കയില്‍ പ്രവര്‍ത്തിക്കുന്ന എ ടി എം കൗണ്ടറാണ് യുവാവ് തല്ലിത്തകര്‍ത്തത്.