പരമ്പരാഗത മാപ്പിളപ്പാട്ടുകൾ കോർത്തിണക്കി നബിദിനാശംസകളുമായി ബേഡകം സർക്കിൾ ഇൻസ്പെക്ടർ ടി ഉത്തംദാസിൻ്റെ വീഡിയോ ആൽബം പുറത്തിറങ്ങി

കാസർകോട്: (www.kasargodvartha.com 29.10.2020) പരമ്പരാഗത മാപ്പിളപ്പാട്ടുകൾ കോർത്തിണക്കി നബിദിനാശംസകളുമായി ബേഡകം സർക്കിൾ ഇൻസ്പെക്ടർ ടി ഉത്തംദാസിൻ്റെ വീഡിയോ ആൽബം പുറത്തിറങ്ങി. ‘റബ്ബോടടുത്താൽ നൽകിടും, റബ്ബ് റഹ്‌മത്തിൽ വാതിൽ തുറന്നിടും’ എന്ന മാപ്പിളപ്പാട്ടാണ് വീഡിയോ ആൽബത്തിനായി ആലപിച്ചത്.


കോവിഡ് ക്വാറന്റീനിൽ കഴിയവെ പഴയ മപ്പിളപ്പാട്ടുകൾ സ്വന്തമായ രീതിയിൽ ചിട്ടപ്പെടുത്തിയാണ് പാട്ട് തയാറാക്കിയതെന്ന് ഉത്തംദാസ് പറഞ്ഞു. ഉത്തംദാസിനു പുറമെ രണ്ട് കുട്ടികളും ആൽബത്തിൽ പാടി അഭിനയിക്കുന്നു. കേളോത്തമ്മ തുടങ്ങി ഒട്ടേറെ ഭക്തിഗാന ആൽബങ്ങളിൽ പാടി അഭിനിയിച്ച ഉത്തംദാസ് ആദ്യമായിട്ടാണ് മാപ്പിളപ്പാട്ട് ആൽബം പുറത്തിറക്കുന്നത്. ‘കണ്ണുകളില്ലാതെ കാണുന്നുണ്ടല്ലോ... എന്ന വരികളിലൂടെയാണ് മാപ്പിളപ്പാട്ട് തുടങ്ങുന്നത്. ‘കഴിഞ്ഞു പോയ കാലം’, എന്ന ലളിതഗാനവും ‘ചന്ദനവളയിട്ട കൈ...’ എന്ന ഓണപ്പാട്ടും നേരത്തേ ഒട്ടേറെ ശ്രദ്ധ നേടിയിരുന്നു.