Obituary | ഓടോറിക്ഷ ഡ്രൈവർ താമസ സ്ഥലത്ത് കുഴഞ്ഞുവീണ് മരിച്ചു
Updated: May 5, 2024, 16:31 IST
![Auto-rickshaw driver collapsed and died at his residence](https://www.kasargodvartha.com/static/c1e/client/114096/uploaded/542d66e6a9c402a945f163ae5f21d41f.webp?width=823&height=463&resizemode=4)
* മാതാപിതാക്കളുടെ ഏകമകനാണ്
കാസർകോട്: (KasaragodVartha) ഓടോറിക്ഷ ഡ്രൈവർ താമസ സ്ഥലത്ത് കുഴഞ്ഞുവീണ് മരിച്ചു. കേളുഗുഡ്ഡെയിലെ എഡിസൺ അപാർട്മെന്റിൽ താമസക്കാരനായ ഹരീഷ് റാവു (48) ആണ് മരിച്ചത്.ശനിയാഴ്ച രാത്രി എട്ട് മണിയോടെ അപാർട്മെന്റിൽ കുഴഞ്ഞുവീഴുകയായിരുന്നു.
ഉടൻ തന്നെ കാസർകോട് ജെനറൽ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. ഹൃദയഘാതമാണെന്നാണ് നിഗമനം. പരേതനായ വിട്ടൽ റാവു - വീണറാവു ദമ്പതികളുടെ ഏകമകനാണ്. അവിവാഹിതനാണ്.