വയല്‍ നികത്താന്‍ ശ്രമം; റവന്യൂ ഉദ്യോഗസ്ഥസംഘം മണ്ണുമാന്തി യന്ത്രം പിടിച്ചെടുത്തു

By Web Desk - MainNov 25, 2018, 10:12 IST

കാഞ്ഞങ്ങാട്: (www.kasargodvartha.com 25.11.2018) വയല്‍ നികത്താന്‍ ശ്രമിക്കുന്നതിനിടെ റവന്യൂ ഉദ്യോഗസ്ഥസംഘം മണ്ണുമാന്തി യന്ത്രം പിടിച്ചെടുത്തു. ഗാര്‍ഡര്‍വളപ്പിലെ വയല്‍ മണ്ണിട്ടുനികത്തുകയായിരുന്ന മണ്ണുമാന്തിയന്ത്രമാണ് ഹൊസ്ദുര്‍ഗ് ഡെപ്യൂട്ടി തഹസില്‍ദാര്‍ അശോകന്റെ നേതൃത്വത്തില്‍ പിടികൂടിയത്. പ്രദേശത്ത് വയല്‍ നികത്തലും തണ്ണീര്‍ തടങ്ങള്‍ നശിപ്പിക്കുകയും ചെയ്യുന്നതിനെതിരെ നേരത്തെ തന്നെ വ്യാപക പരാതിയുയര്‍ന്നിരുന്നു.

ഇതിനു പിന്നാലെയാണ് അശോകന്റെ നേതൃത്വത്തില്‍ മണ്ണുമാന്തി യന്ത്രം പിടികൂടിയിരിക്കുന്നത്. ബല്ല വില്ലേജ് ഓഫീസര്‍ ടി വി സജീവനും പരിശോധനാ സംഘത്തിലുണ്ടായിരുന്നു.

Photo: File