Attack | ദക്ഷിണ കന്നഡയിൽ 3 വിദ്യാർഥിനികൾക്ക് നേരെ മുഖംമൂടി ധരിച്ചെത്തി ആസിഡ് ആക്രമണം; ഒരാളുടെ നില ഗുരുതരം; മലയാളി വിദ്യാർഥി അറസ്റ്റിൽ

പ്രീ-യൂണിവേഴ്‌സിറ്റി കോളജിലെ (ക്ലാസ് 12) രണ്ടാം വർഷ വിദ്യാർഥിനികളാണ് അക്രമത്തിന് ഇരയായത്. മുഖംമൂടിയും തൊപ്പിയും ധരിച്ച് കോളജ് കാംപസിനുള്ളിലേക്ക് കടന്ന പ്രതി പരീക്ഷാ ഹോളിലേക്ക് കടക്കാൻ തയ്യാറെടുക്കുമ്പോൾ വിദ്യാർഥിനികളെ ആക്രമിക്കുകയായിരുന്നുവെന്നാണ് വിവരം. പെൺകുട്ടികൾ നിലവിളിച്ചതോടെ മറ്റ് വിദ്യാർഥികളും അധ്യാപകരും ജീവനക്കാരും ഓടിയെത്തുകയായിരുന്നു.

ഇതോടെ സംഭവസ്ഥലത്ത് നിന്ന് രക്ഷപ്പെടാൻ ശ്രമിച്ച അബിനെ പരിസരത്തുണ്ടായിരുന്നവർ പിടികൂടി പൊലീസിൽ ഏൽപ്പിക്കുകയായിരുന്നു. സംഭവമറിഞ്ഞ് രക്ഷിതാക്കളും മറ്റും കോളജ് പരിസരത്തും ആശുപത്രിയിലും തടിച്ചുകൂടി. പ്രണയ പരാജയമാണ് അക്രമത്തിന് പ്രേരിപ്പിച്ചതെന്നാണ് പൊലീസ് നൽകുന്ന സൂചന. പൊലീസ് കൂടുതൽ അന്വേഷണം നടത്തി വരികയാണ്. കസ്റ്റഡിയിലായ പ്രതിയെ വിശദമായി ചോദ്യം ചെയ്ത് വരികയാണെന്ന് ദക്ഷിണ കന്നഡ പൊലീസ് മേധാവി അറിയിച്ചു.

Keywords: Mangalore, Malayalam News, Karnataka, Crime, Kadaba, Students, Acid, Attack, Mask, Malayali, Youth, Arrested, P U Collage, Trespass, Injured, Malappuram, MBA, Police, Investigation, Attack on three girl students at govt PU college campus.