Accident | ബസും സ്‌കൂടറും കൂട്ടിയിടിച്ച് 2 യുവാക്കള്‍ക്ക് പരുക്ക്; ഒരാളുടെ നില ഗുരുതരം

കുമ്പള: (KasargodVartha) ബസും സ്‌കൂടറും കൂട്ടിയിടിച്ച് രണ്ട് യുവാക്കള്‍ക്ക് പരുക്ക്. ഉപ്പള സോങ്കാലിലെ ഇബ്രാഹിം ഖലീല്‍ (23) സുഹൃത്ത് ഉപ്പള മണിമുണ്ടയിലെ മുഹമ്മദ് മാസിന്‍ (24) എന്നിവര്‍ക്കാണ് പരുക്കേറ്റത്. ഇതില്‍ ഇബ്രാഹിം ഖലീലിന്റെ പരുക്ക് ഗുരുതരമാണ്. ഇരുവരും മംഗ്‌ളൂറിലെ ആശുപത്രിയില്‍ ചികിത്സയില്‍ കഴിയുകയാണ്.
    
ഞായറാഴ്ച രാത്രി ഒമ്പത് മണിയോടെ കുമ്പള ഭാസ്‌കര നഗറിലാണ് അപകടം നടന്നത്. ഇടിയുടെ ആഘാതത്തില്‍ സ്‌കൂടര്‍ ബസിനടിയില്‍ കുടുങ്ങിയിരുന്നു. ഓടിക്കൂടിയവരാണ് ഇരുവരെയും ഉടന്‍ തന്നെ ആശുപത്രിയില്‍ എത്തിച്ചത്.

മംഗ്‌ളൂറിലെ കോളജില്‍ ബി. കോം വിദ്യാര്‍ഥിയായ ഇബ്രാഹിം ഖലീല്‍ ക്ലാസില്ലാത്ത സമയങ്ങളില്‍ ജോലി ചെയ്ത് വരികയായിരുന്നു. ജോലിയുടെ ഭാഗമായി സുഹൃത്തിനൊപ്പം സ്‌കൂടറില്‍ പോകുന്നതിനിടെയാണ് അപകടത്തില്‍ പെട്ടത്. < !- START disable copy paste -->