Honesty | കളഞ്ഞുകിട്ടിയ പാദസരം തിരികെ നൽകി വിദ്യാർഥികൾ മാതൃകയായി
Sep 1, 2024, 23:18 IST
Photo: Arranged Photo
കുട്ടികൾ പാദസരം ഉദുമ ജിഎൽപി സ്കൂളിൽ ഏൽപ്പിച്ചു.
ഉദുമ: (KasargodVartha) കളഞ്ഞുപോയ പാദസരം തിരികെ നൽകി വിദ്യാർഥികൾ മാതൃകയായി. കളനാട് റെയിൽവേ ഓവർ ബ്രിഡ്ജിന് സമീപം നടന്ന ഉദുമ ജിഎൽപി സ്കൂൾ കായിക മേളക്കിടെയാണ് രണ്ടാം ക്ലാസ് വിദ്യാർഥിനിയുടെ പാദസരം കാണാതായത്.
രണ്ട് ദിവസം കഴിഞ്ഞ്, ഈ പാദസരം തൊട്ടിയിലുള്ള അശോക് കുമാർ-ബിന്ദു ദമ്പതികളുടെ മകനും ഉദുമ ഹയർ സെക്കണ്ടറി സ്കൂളിലെ ഏഴാം തരം വിദ്യാർഥിയുമായ ടി.എ. ധ്യാൻദേവും, വിനോദ്-രമ്യ ദമ്പതികളുടെ മകനും ബാര ഹൈസ്കൂളിലെ ഏഴാം തരം വിദ്യാർഥിയുമായ കെ. അമേഘനും കണ്ടെത്തി.
കുട്ടികൾ പാദസരം ഉദുമ ജിഎൽപി സ്കൂളിൽ ഏൽപ്പിച്ചു. കുട്ടികളുടെ സത്യസന്ധത പരിഗണിച്ച്, പ്രധാനാധ്യാപകൻ ആനന്ദ് പേകടം, അവരെ അനുമോദിച്ച് പഠനോപകരണങ്ങൾ സമ്മാനമായി നൽകി.
Tags
Share this story
