നടുവേദനയുടെ ചികിത്സയുടെ ഭാഗമായി മസാജ് ചെയ്യുന്നതിനിടെ 5 പവൻ കവർന്നെന്ന് പരാതി; യുട്യൂബർ മധുമിതയ്ക്കെതിരെ മോഷണക്കേസ്

നാഗർകോവിൽ: (KasargodVartha) 118 പവൻ സ്വർണം വീട്ടിൽനിന്നു മോഷണം പോയ സംഭവത്തിലൂടെ വാർത്തകളിൽ നിറഞ്ഞ യുട്യൂബർ മധുമിതയ്ക്കെതിരെ ഇപ്പോൾ സ്വർണമോഷണത്തിന് കേസ്. തിരുനെൽവേലി സ്വദേശിയായ പേച്ചിമുത്തു നൽകിയ പരാതിയുടെ അടിസ്ഥാനത്തിൽ രാജാക്കമംഗലം പോലീസാണ് മധുമിതയ്ക്കെതിരെ കേസെടുത്തിരിക്കുന്നത്.

മസാജിങ്ങിനിടെ മാല കവർന്നു; ചോദിച്ചപ്പോൾ ഭീഷണി

2022-ൽ നടന്ന സംഭവത്തിലാണ് ഇപ്പോൾ പരാതി നൽകിയിരിക്കുന്നത്. നടുവേദനയ്ക്ക് ചികിത്സ നടത്തുന്നതിനിടെയാണ് മധുമിതയുമായി പരിചയപ്പെട്ടതെന്ന് പരാതിക്കാരനായ പേച്ചിമുത്തു പോലീസിനോട് വ്യക്തമാക്കിയിട്ടുണ്ട്. ഈ പരിചയത്തിൻ്റെ അടിസ്ഥാനത്തിൽ മസാജ് ചെയ്യുന്നതിനിടെ മധുമിത തൻ്റെ പക്കൽനിന്നും അഞ്ച് പവൻ തൂക്കമുള്ള സ്വർണമാല കവർന്നെന്നാണ് ഇയാളുടെ പരാതി. പിന്നീട് മാല മടക്കി ചോദിച്ചപ്പോൾ ഇവർ ഭീഷണിപ്പെടുത്തിയെന്നും പരാതിയിൽ ആരോപിക്കുന്നുണ്ട്.

പേച്ചിമുത്തുവിൻ്റെ പരാതിയിൽ രാജാക്കമംഗലം പോലീസ് എഫ്ഐആർ രജിസ്റ്റർ ചെയ്തു. തുടർന്ന് കൂടുതൽ അന്വേഷണങ്ങൾക്കായി കേസ് തിരുനെൽവേലി പോലീസിനു കൈമാറി. യുട്യൂബറുടെ വീട്ടിൽ അടുത്തിടെ മോഷണം നടന്ന വാർത്ത വന്നതിന് പിന്നാലെ പരാതി ഉയർന്നതിൻ്റെ സാഹചര്യവും പോലീസ് അന്വേഷിക്കുന്നുണ്ട്.

മധുമിതയുടെ വീട്ടിലെ 118 പവൻ മോഷണം

അടുത്തിടെയാണ് മധുമിതയുടെ വീട്ടിൽനിന്ന് 118 പവൻ സ്വർണം മോഷണം പോയത്. വീട്ടിലുണ്ടായിരുന്ന സ്വർണം മധുമിത പ്രദർശിപ്പിക്കുന്ന വീഡിയോ യുട്യൂബിൽ വന്നതിനു പിന്നാലെയായായിരുന്നു മോഷണം. സംഭവത്തിൽ അന്വേഷണം നടത്തിയ പോലീസ് നാലംഗ സംഘത്തെ അറസ്റ്റ് ചെയ്തിരുന്നു. ഇതിന് ദിവസങ്ങൾക്കിപ്പുറമാണ് സ്വന്തം വീട്ടിൽ മോഷണം നടന്ന പരാതിക്കാരി മറ്റൊരു മോഷണക്കേസിൽ ആരോപണവിധേയ ആകുന്നത്.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: YouTuber Madhumitha booked for allegedly stealing a 5 sovereign gold chain during a massage.

#NagercoilNews #YouTuberMadhumitha #TamilNaduCrime #Tirunelveli #MalayalamNews #CrimeNews #GoldTheft #RenuNews