WTC Final | സോഷ്യൽ മീഡിയയിൽ ആരാധകരുടെ ട്രോളിന് മറുപടിയുമായി വിരാട് കോഹ്‌ലി; ഗൂഢാര്‍ഥമുള്ള ഇൻസ്റ്റാഗ്രാം സ്റ്റോറി പോസ്റ്റ് ചെയ്ത് താരം

ഡബ്ല്യുടിസി ഫൈനലിന്റെ രണ്ടാം ദിനത്തിൽ കോഹ്‌ലിയെ 14 റൺസിനാണ് മിച്ചൽ സ്റ്റാർക്ക് പുറത്താക്കിയത്. രണ്ടാം സ്ലിപ്പിൽ സ്റ്റീവ് സ്മിത്തിന്റെ ക്യാച്ചിലാണ് കോഹ്ലി പുറത്തായത്. അതിന് ശേഷം സോഷ്യൽ മീഡിയയിൽ ഒരു വിഭാഗം ആരാധകരുടെ ആക്രമണമാണ് കോഹ്ലിക്ക് നേരിടേണ്ടി വന്നത്. അതിനാണ് അദ്ദേഹം ഇൻസ്റ്റഗ്രാം സ്റ്റോറിയിലൂടെ ഇപ്പോൾ മറുപടി നൽകിയിരിക്കുന്നത്.

മൂന്നാം ദിവസത്തെ കളിക്ക് മുന്നോടിയായി കോഹ്‌ലി ഇൻസ്റ്റാഗ്രാമിൽ ട്രോളന്മാരെ ലക്ഷ്യമിട്ട് നിഗൂഢതകൾ നിറഞ്ഞ സന്ദേശം പങ്കുവെക്കുകയും ചെയ്തു. 'മറ്റുള്ളവരുടെ കാഴ്ചപ്പാടുകളുടെ തടവറയിൽ നിന്ന് സ്വയം മോചിതരാകാൻ, നിങ്ങൾ ഇഷ്ടപ്പെടാതിരിക്കാനുള്ള കഴിവ് വളർത്തിയെടുക്കണം' എന്നാണ് അദ്ദേഹം കുറിച്ചത്.

Instagram story of Virat Kohli. 👀#ViratKohli pic.twitter.com/yYcbuvohrl

— 12th Khiladi (@12th_khiladi) June 9, 2023

Tendulkar didnt eat for 3 days after he got out early in that 2003 WC final

Meanwhile Kohli after getting out early in #WTCFinal2023 pic.twitter.com/AOJHMsKPor

— Roshan Rai (@RoshanKrRaii) June 8, 2023

ഓസ്‌ട്രേലിയക്കെതിരായ ഫൈനലിൽ ഇന്ത്യ ഇപ്പോഴും പരുങ്ങലിലാണ്. അഞ്ചാം വിക്കറ്റിൽ രവീന്ദ്ര ജഡേജയും അജിങ്ക്യ രഹാനെയും ചേർന്ന് 71 റൺസിന്റെ കൂട്ടുകെട്ട് പടുത്തുയർത്തിയത് ആശ്വാസം പകർന്നിരുന്നു. ഓസ്‌ട്രേലിയയ്‌ക്കെതിരെ ആദ്യ ഇന്നിംഗ്‌സിൽ ലീഡ് നേടാൻ ഇന്ത്യക്ക് ഇനിയും ഏറെ സഞ്ചരിക്കേണ്ടതുണ്ട്. ഇന്ത്യ ഇപ്പോഴും 259 റൺസ് പിന്നിലാണ്, നാല് വിക്കറ്റ് കൈയിലുണ്ട്.