VLC Player Ban | ജനപ്രിയമായ വിഎൽസി മീഡിയ പ്ലെയർ എന്തുകൊണ്ട് ഇൻഡ്യയിൽ നിരോധിച്ചു, ഉപയോക്താക്കൾ ഇനി എന്ത് ചെയ്യണം?

ന്യൂഡെൽഹി: (www.kasargodvartha.com) ജനപ്രിയ മീഡിയ പ്ലെയർ സോഫ്‌റ്റ്‌വെയർ വിഎൽസി (VLC) ഇൻഡ്യയിൽ നിരോധിച്ചിരിക്കുകയാണ്. Android, iOS, macOS, Windows, Linux തുടങ്ങിയ മിക്കവാറും എല്ലാ പ്രധാന ഓപറേറ്റിംഗ് സിസ്റ്റം പ്ലാറ്റ്‌ഫോമുകളിലും വിഎൽസി മീഡിയ പ്ലെയർ ലഭ്യമായിരുന്നു. നിരോധനത്തിന്റെ ഭാഗമായി ഔദ്യോഗിക വിഎൽസി വെബ്സൈറ്റ് നിരോധിക്കുകയും ഡൗൺലോഡ് ലിങ്കുകൾ നീക്കം ചെയ്യുകയും ചെയ്തിട്ടുണ്ട്.
           
ഔദ്യോഗിക വെബ്സൈറ്റ് തുറക്കാൻ ശ്രമിക്കുമ്പോൾ, 'ഐടി ആക്ട്, 2000, ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന്റെ ഉത്തരവ് പ്രകാരം വെബ്സൈറ്റ് തടഞ്ഞു' എന്ന് എഴുതിക്കാണിക്കുന്നു. രണ്ട് മാസത്തിലേറെയായി എയർടെൽ, വി, ജിയോ, ആക്റ്റ് തുടങ്ങിയ പ്രമുഖ ഐഎസ്പികൾ വിഎൽസിയുടെ ഔദ്യോഗിക വെബ്‌സൈറ്റ് നിരോധിച്ചിട്ടുണ്ട്. അതിനാൽ, മിക്ക ഉപയോക്താക്കൾക്കും അവരുടെ പിസിയിൽ വിഎൽസി മീഡിയ പ്ലെയർ ഡൗൺലോഡ് ചെയ്യാൻ കഴിയുമായിരുന്നില്ല. < !- START disable copy paste -->