Study in Abroad | വിദേശത്ത് നിന്ന് എംബിഎ നേടാൻ ആഗ്രഹിക്കുകയാണോ? മികച്ച ചില കോളേജുകൾ അറിയാം

വാർസോ സർവകലാശാല:

ഈ സർവകലാശാല പോളണ്ടിലാണ് സ്ഥിതി ചെയ്യുന്നത്. വലിയൊരു വിഭാഗം ഇന്ത്യൻ വിദ്യാർത്ഥികളും ഉന്നത വിദ്യാഭ്യാസത്തിനായി പോളണ്ടിലേക്ക് പോകുന്നു. ഇവിടുത്തെ എംബിഎ പ്രോഗ്രാം വളരെ പ്രശസ്തമാണ്. എംബിഎയ്ക്ക് ഒരു വർഷത്തെ ഫീസ് ഏകദേശം 1,66,000 രൂപയാണ്.

മാൻഹൈം (Mannheim) യൂണിവേഴ്സിറ്റി:

ഈ യൂണിവേഴ്സിറ്റി സ്ഥിതി ചെയ്യുന്നത് ജർമനിയിലാണ്. ഇന്ത്യൻ വിദ്യാർത്ഥികൾക്ക് വിദേശത്ത് പഠിക്കാൻ ഏറ്റവും പ്രിയപ്പെട്ട സ്ഥലങ്ങളിലൊന്നാണ് ജർമ്മനി. ഇവിടെ എംബിഎയുടെ ഒരു സെമസ്റ്റർ ഫീസ് ഏകദേശം 2,49,630 രൂപയാണ്.

ഡബ്ള്യൂ എച്ച് ഒ:

ഡബ്ള്യൂ എച്ച് ഒ (WHU – Otto Beisheim School of Management) കോളേജും ജർമ്മനിയിൽ സ്ഥിതി ചെയ്യുന്നു. ഇത് എം‌ബി‌എയ്‌ക്ക് വളരെ അറിയപ്പെടുന്ന സ്ഥാപനമാണ്, കൂടാതെ ആഗോള റാങ്കിംഗിൽ മികച്ച സ്ഥാനവുമുണ്ട്. അന്താരാഷ്ട്ര ബന്ധങ്ങളിൽ ശ്രദ്ധ കേന്ദ്രീകരിക്കുന്ന ഗ്ലോബൽ എംബിഎ പ്രോഗ്രാം ഇവിടെ ലഭ്യമാണ്. ഒരു സെമസ്റ്ററിന് ഏകദേശം 2,74,773 രൂപയാണ് ഫീസ്.

നാഷണൽ തായ്‌വാൻ യൂണിവേഴ്സിറ്റി:

ഈ സർവകലാശാല തായ്‌വാനിലാണ്. ഇവിടെയും എംബിഎ ഇംഗ്ലീഷ് മീഡിയത്തിൽ ലഭ്യമാണ്. ഫീസ് പ്രതിവർഷം 2,75,000 രൂപയാണ്.

ജെ എ എം കെ (JAMK) യൂണിവേഴ്സിറ്റി ഓഫ് അപ്ലൈഡ് സയൻസ്:

ഈ സ്ഥാപനം സ്ഥിതി ചെയ്യുന്നത് ഫിൻലൻഡിലാണ്. ഫിൻലൻഡിലെ വിദ്യാഭ്യാസ സമ്പ്രദായം ലോകത്തിലെ ഏറ്റവും മികച്ചതായി കണക്കാക്കപ്പെടുന്നു എന്നത് ശ്രദ്ധേയമാണ്. ഇവിടെയുള്ള പ്രത്യേക എംബിഎ കോഴ്സും വളരെ പ്രശസ്തമാണ്. പ്രതിവർഷം ഏകദേശം 7,31,000 രൂപയാണ് ഫീസ്.

Keywords: News, National, New Delhi, Education, MBA, Study Abroad, Cource, University, Best MBA Colleges Abroad.