വിജയ് മല്യയെ പിടികിട്ടാപ്പുള്ളിയായി പ്രഖ്യാപിച്ചു

By Webdesk ViJan 5, 2019, 17:58 IST

മുംബൈ:(www.kasargodvartha.com 05/01/2019) വ്യവസായി വിജയ് മല്യയെ പിടികിട്ടാപ്പുള്ളിയായി പ്രഖയാപിച്ചു. മുംബൈയിലെ പ്രത്യേക കോടതിയാണ് വിജയാ മല്യയെ കള്ളപ്പണം വെളുപ്പിക്കല്‍ നിരോധന നിയമ പ്രകാരം പിടികിട്ടാപ്പുള്ളിയായി പ്രഖ്യാപിച്ചത്. ഇന്ത്യയിലെ ബാങ്കുകളില്‍ നിന്ന് വായ്പയെടുത്ത് ഇന്ത്യ വിട്ട വിവാദ വ്യവസായിയാണ് വിജയ് മല്യ.

എന്‍ഫോഴ്‌സ്‌മെന്റ് ഡയറക്ടറേറ്റാണ് പിടികിട്ടാപുള്ളിയായി പ്രഖ്യാപിക്കണമെന്ന് കോടതിയെ സമീപിച്ചത് . 9000 കോടി രൂപയുടെ വായ്പയെടുത്താണ് മല്യ രാജ്യം വിട്ടത്. ഇതോടെ അന്വേഷണ ഏജന്‍സികള്‍ക്ക് ഇന്ത്യയിലുള്ള മല്യയുടെ സ്വത്തുക്കള്‍ കണ്ടുകെട്ടാവുന്നതാണ് .