Assistance | മഹാകുംഭമേളക്കിടെ തിക്കിലും തിരക്കിലും മരിച്ച 4 കർണാടക കുടുംബങ്ങൾക്ക് 25 ലക്ഷം വീതം സഹായം നൽകി യുപി സർക്കാർ

മംഗ്ളുറു: (KasargodVartha) പ്രയാഗ്‌രാജിലെ മഹാകുംഭമേളയിൽ തിക്കിലും തിരക്കിലും പെട്ട് മരിച്ച നാല് കർണാടക കുടുംബങ്ങൾക്ക് ഉത്തർപ്രദേശ് സർക്കാർ 25 ലക്ഷം രൂപ വീതം ധനസഹായം നൽകി. ബെളഗാവി വഡ്ഗാവിലെ ജ്യോതി ഹത്തർവാദ് (50), മകൾ മേഘ ഹത്തർവാദ് (25), ഷെട്ടി ഗല്ലിയിലെ അരുൺ നാരായൺ ഖോപാർഡെ (60), ശിവാജി നഗറിലെ മഹാദേവി ഹനുമന്ത് ബാവനൂർ (45) എന്നിവരുടെ കുടുംബങ്ങൾക്കാണ് തുക ലഭിച്ചത്. യുപി സർക്കാർ ആർ‌ടി‌ജി‌എസ് വഴി ഇരകളുടെ കുടുംബങ്ങളുടെ ബാങ്ക് അക്കൗണ്ടുകളിലേക്ക് ഒരു കോടി രൂപ നിക്ഷേപിച്ചു.

മൗനി അമാവാസി ദിനത്തിൽ സ്നാനത്തിനിടെയാണ് പ്രയാഗ്‌രാജിൽ തിക്കിലും തിരക്കിലും പെട്ട് ഇവർ മരണപ്പെട്ടത്. യുപി സർക്കാർ ദുരിതാശ്വാസം പ്രഖ്യാപിച്ച് നാൽപ്പത് ദിവസങ്ങൾക്ക് ശേഷമാണ് കുടുംബങ്ങൾക്ക് നഷ്ടപരിഹാരം നൽകിയത്. നാല് കുടുംബങ്ങൾക്കും ദുരിതാശ്വാസം നൽകുന്നതിനായി കർണാടക സർക്കാരിനും ശുപാർശ അയച്ചിട്ടുണ്ടെന്ന് ബെളഗാവി ജില്ല ഡെപ്യൂട്ടി കമ്മീഷണർ മുഹമ്മദ് റോഷൻ അറിയിച്ചു.

ബെളഗാവി റവന്യൂ വകുപ്പ് ഉദ്യോഗസ്ഥർ ഗ്രാമത്തിലെ അക്കൗണ്ടൻ്റുമാർ വഴി ഇടപാടുകൾ പരിശോധിക്കുകയും സർക്കാർ രേഖകളിലെ ഇരകളുടെ പേരുകളിലെ പിഴവുകൾ തിരുത്തുകയും ചെയ്തു. തുടർന്ന് വിവരങ്ങൾ പ്രയാഗ്‌രാജ് ജില്ലാ മജിസ്‌ട്രേറ്റിന് അയച്ചു. പ്രയാഗ്‌രാജ് ഉദ്യോഗസ്ഥർ പോസ്റ്റ്‌മോർട്ടം റിപ്പോർട്ടുകൾ, മരണ സർട്ടിഫിക്കറ്റുകൾ, മറ്റ് രേഖകൾ എന്നിവ ഏതാനും ദിവസങ്ങൾക്കുള്ളിൽ അയയ്ക്കുമെന്ന് മുഹമ്മദ് റോഷൻ വ്യക്തമാക്കി.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

The UP government has provided ₹25 lakh each to the families of four Karnataka victims who died in the stampede at the Maha Kumbh Mela in Prayagraj.

#MahaKumbhMela #UPGovernment #KarnatakaFamilies #FinancialAid #StampedeRelief #Prayagraj