LPG | കുറഞ്ഞ വിലയ്ക്ക് ഗ്യാസ് സിലിൻഡർ സ്വന്തമാക്കാം; പ്രധാനമന്ത്രി ഉജ്വല പദ്ധതിക്ക് ഇപ്പോൾ അപേക്ഷിക്കാൻ അവസരം; എങ്ങനെ ചെയ്യാമെന്ന് അറിയാം

പദ്ധതി പ്രകാരം 1,650 കോടി രൂപയുടെ സബ്‌സിഡി അനുവദിച്ചിട്ടുണ്ട്. ആദ്യ മന്ത്രിസഭാ യോഗത്തിൽ 33 കോടി ഉപഭോക്താക്കളുടെ എൽപിജി സിലിണ്ടറുകളുടെ വിലയിൽ 200 രൂപയുടെ കുറവ് സർക്കാർ വരുത്തിയിരുന്നു. അതേസമയം, ഉജ്ജ്വല പദ്ധതി ഉപഭോക്താക്കൾക്ക് സിലിണ്ടറിന് 400 രൂപയുടെ കുറവ് ലഭിക്കും. ഇപ്പോൾ 75 ലക്ഷം പുതിയ എൽപിജി കണക്ഷനുകൾ നൽകാൻ അനുമതി ലഭിച്ചു.

2016-ൽ തുടങ്ങിയ ഈ പദ്ധതി രാജ്യത്തെ പാവപ്പെട്ട സ്ത്രീകൾക്ക് ആശ്വാസം നൽകുന്നതിനാണ് ആരംഭിച്ചത്. നിലവിൽ 10 കോടി കുടുംബങ്ങളെ പദ്ധതിയുമായി ബന്ധിപ്പിച്ചിട്ടുണ്ട്. ഉജ്ജ്വല ഗുണഭോക്താക്കൾക്ക് നിലവിൽ 200 രൂപ സബ്‌സിഡി നൽകുന്നുണ്ട്. ഈ രീതിയിൽ, പദ്ധതിയിൽ ലഭ്യമായ മൊത്തം കിഴിവ് ഇപ്പൊൾ ഒരു സിലിണ്ടറിന് 400 രൂപയായി വർധിപ്പിച്ചു.

ആർക്കാണ് അർഹത?

ഉജ്ജ്വല പദ്ധതി പ്രകാരം, ദാരിദ്ര്യരേഖയ്ക്ക് താഴെയുള്ളവർക്ക് (ബിപിഎൽ) മാത്രമേ ആനുകൂല്യം ലഭ്യമാകൂ. രജിസ്റ്റർ ചെയ്യുന്നതിന്, ഗുണഭോക്താക്കൾ അവരുടെ റേഷൻ കാർഡ് (ബിപിഎൽ കാർഡ്) അപ്‌ലോഡ് ചെയ്യണം. വാർഷിക വരുമാനം 27,000 രൂപയിൽ താഴെയുള്ള, ദാരിദ്ര്യരേഖയ്ക്ക് താഴെയുള്ള കുടുംബങ്ങൾക്ക് മാത്രമേ ബിപിഎൽ കാർഡ് നൽകാൻ വ്യവസ്ഥയുള്ളൂ.

എന്താണ് യോഗ്യത

പ്രധാനമന്ത്രി ഉജ്ജ്വല യോജനയ്ക്ക് അപേക്ഷിക്കാൻ, ഒരു സ്ത്രീയുടെ പ്രായം 18 വയസ് ആയിരിക്കണം. ഗുണഭോക്തൃ കുടുംബത്തിന് ഏതെങ്കിലും ഗ്യാസ് ഏജൻസിയിൽ നിന്ന് മറ്റ് എൽപിജി കണക്ഷൻ ഇതിനകം ഉണ്ടായിരിക്കരുത്. ഈ പദ്ധതിയുടെ പ്രയോജനം സാധാരണ പാവപ്പെട്ടവർക്കും എസ്‌സി, എസ്‌ടി, അങ്ങേയറ്റം പിന്നാക്ക വിഭാഗക്കാർക്കും നൽകും.

ഓൺലൈനായി എങ്ങനെ അപേക്ഷിക്കാം

* ഔദ്യോഗിക വെബ്സൈറ്റ് സന്ദർശിക്കുക - https://pmuy(dot)gov(dot)in/

* എല്ലാ അംഗങ്ങളുടെയും വിലാസം, ജൻധൻ ബാങ്ക് അക്കൗണ്ട്, ആധാർ നമ്പർ എന്നിവ രേഖപ്പെടുത്തിയ അപേക്ഷ ഫോം സമർപ്പിക്കുക

* ആവശ്യമായ രേഖകൾ അപ്‌ലോഡ് ചെയ്യുക.

* അപേക്ഷ പ്രോസസ് ചെയ്ത ശേഷം, യോഗ്യതയുള്ള ഗുണഭോക്താക്കൾക്ക് ഓയിൽ മാർക്കറ്റിംഗ് കമ്പനികൾ (ഒഎംസി) കണക്ഷൻ നൽകും.

ഓഫ്‌ലൈനായി എങ്ങനെ അപേക്ഷിക്കാം

പ്രാദേശിക എൽപിജി വിതരണ ഏജൻസിയിൽ ഒരു അപേക്ഷാ ഫോം പൂരിപ്പിച്ച് സമർപ്പിച്ചുകൊണ്ട് പ്രധാനമന്ത്രി ഉജ്ജ്വല യോജനയ്ക്കുള്ള ഓഫ്‌ലൈൻ അപേക്ഷകൾ സമർപ്പിക്കാവുന്നതാണ്.

Keywords: News, National, New Delhi, Ujjwala Scheme, LPG Connection, Govt Scheme, Ujjwala Scheme: Cabinet Approves 75 Lakhs New LPG Connection; How to Apply Online.
< !- START disable copy paste -->