രാജധാനി എക്‌സ്പ്രസ് ഗോധ്രയ്ക്കു സമീപം ട്രക്കില്‍ ഇടിച്ച് പാളം തെറ്റി; ട്രക്ക് ഡ്രൈവര്‍ മരിച്ചു, വന്‍ ദുരന്തം ഒഴിവായി

By Web Desk - MainOct 18, 2018, 12:11 IST

ഗോധ്ര: (www.kasargodvartha.com 18.10.2018) രാജധാനി എക്‌സ്പ്രസ് ഗോധ്രയ്ക്കു സമീപം ട്രക്കില്‍ ഇടിച്ച് പാളം തെറ്റി. അപകടത്തില്‍ ട്രക്ക് ഡ്രൈവര്‍ മരിച്ചു. ഗോധ്രക്കും മധ്യപ്രദേശിലെ രത്‌ലമിനും ഇടയില്‍ വെച്ചാണ് തിരുവനന്തപുരം-നിസാമുദ്ദീന്‍ രാജധാനി എക്സ്പ്രസ് ട്രക്കില്‍ ഇടിച്ച് പാളം തെറ്റിയത്. ട്രെയിനിന്റെ രണ്ട് കോച്ചുകളാണ് പാളം തെറ്റിയത്.

രാജധാനി എക്‌സ്പ്രസ് ഗോധ്രയ്ക്കു സമീപം ട്രക്കില്‍ ഇടിച്ച് പാളം തെറ്റി; ട്രക്ക് ഡ്രൈവര്‍ മരിച്ചു, വന്‍ ദുരന്തം ഒഴിവായി

ബുധനാഴ്ച രാവിലെ 6.45 മണിയോടെയായിരുന്നു സംഭവം. അടച്ചിട്ട ലെവല്‍ക്രോസിന്റെ ഗേറ്റില്‍ നിയന്ത്രണം വിട്ട ട്രക്ക് ഇടിച്ച ശേഷം പാളത്തിലേക്ക് പ്രവേശിക്കുകയായിരുന്നു. ഇതിനിടെയാണ് ട്രെയിന്‍ വന്നിടിച്ചത്.