റേഞ്ച് റോവറിന്റെ ടയര്‍ പൊട്ടി; സുരേഷ് റെയ്‌ന പരിക്കേല്‍ക്കാതെ രക്ഷപ്പെട്ടു

By Web Desk SNSep 13, 2017, 10:02 IST

ന്യൂഡല്‍ഹി: (www.kasargodvartha.com 13.09.2017) ഇന്ത്യന്‍ ക്രിക്കറ്റ് താരം സുരേഷ് റെയ്‌ന സഞ്ചരിക്കുകയായിരുന്ന റേഞ്ച് റോവറിന്റെ ടയര്‍ പൊട്ടി അപകടത്തില്‍പെട്ടു. അപകടത്തില്‍ താരം പരിക്കേല്‍ക്കാതെ രക്ഷപ്പെട്ടു. ചൊവ്വാഴ്ച പുലര്‍ച്ചെ രണ്ടു മണിയോടെയാണ് സംഭവം. ദുലീപ് ട്രോഫി ക്രിക്കറ്റില്‍ ഇന്ത്യ ബ്ലൂ ടീം ക്യാപ്റ്റനായ റെയ്‌ന ബുധനാഴ്ചത്തെ മത്സരത്തില്‍ പങ്കെടുക്കാനായി പോകുന്നതിനിടെ ഗാസിയാബാദ് കാണ്‍പൂര്‍ പാതയില്‍ ഇട്ടാവക്ക് സമീപമാണ് അപകടമുണ്ടായത്.

കാറിന്റെ വേഗത കുറവായതിനാലാണ് വന്‍ അപകടം സംഭവിക്കാതിരുന്നത്. വിവരമറിഞ്ഞ് പോലീസ് സ്ഥലത്തെത്തി പോലീസ് ഏര്‍പ്പെടുത്തിയ വാഹനത്തില്‍ സുരേഷ് റെയ്‌ന കാണ്‍പൂരിലേക്ക് പോയി.