നിര്‍ണായക ഉത്തരവുമായി സുപ്രീം കോടതി, ശനിയാഴ്ച്ച വൈകുന്നേരം 4 മണിക്ക് മുമ്പ് ഭൂരിപക്ഷം തെളിയിക്കണം

By Webdesk ViMay 18, 2018, 11:54 IST

ന്യൂഡല്‍ഹി:(www.kasargodvartha.com 18/05/2018) ഏറെ ചര്‍ച്ചാവിഷയമായ കര്‍ണാടക തിരഞ്ഞെടുപ്പില്‍ നിര്‍ണായക ഉത്തരവുമായി സുപ്രീം കോടതി. ശനിയാഴ്ച്ച വൈകുന്നേരം 4 മണിക്ക് മുമ്പ് ബി ജെ പി ഭൂരിപക്ഷം തെളിയിക്കണമെന്ന് ഉത്തരവ്. യെദ്യൂരപ്പയെ സര്‍ക്കാര്‍ രൂപികരിക്കാന്‍ ക്ഷണിച്ച ഗവര്‍ണറുടെ നടപടിക്കെതിരെ കോണ്‍ഗ്രസും ജെഡിഎസും സമര്‍പ്പിച്ച ഹര്‍ജികളിലാണ് സുപ്രിം കോടതി നിര്‍ണായക ഉത്തരവ് പുറപ്പെടുവിച്ചത്. ഇതോടെ ബി ജെ പി വന്‍ സമ്മര്‍ദ്ദത്തിലായി.

വ്യഴാഴ്ച്ച രാവിലെയാണ് യെദിയൂരപ്പ സുപ്രിം കോടതിയുടെ അനുമതിയോടെ സത്യപ്രതിജ്ഞ ചെയ്തത്. എന്നാല്‍ കോടതിയുടെ ഉത്തരവ് പ്രകാരം ഭൂരിപക്ഷം തെളിയാക്കാന്‍ യെദിയൂരപ്പയ്ക്ക് സാധിച്ചില്ലെങ്കില്‍ രാജിവെക്കേണ്ടി വരും.