നടപ്പാത കാൽനട യാത്രക്കാരുടെ അവകാശം; തടസ്സങ്ങൾ നീക്കാൻ സർക്കാരുകൾക്ക് 4 ആഴ്ച സമയം അനുവദിച്ച് സുപ്രീംകോടതി

ന്യൂഡൽഹി: (KasargodVartha) ‘നടപ്പാതകൾ ഉപയോഗിക്കാനുള്ള അവകാശം പൗരന്മാർക്ക് ജീവിക്കാനുള്ള അവകാശത്തിൻ്റെ ഭാഗം' ആണെന്ന് വ്യക്തമാക്കി സുപ്രീംകോടതി. ജസ്റ്റിസുമാരായ അഭയ് എസ് ഓക്കയും ഉജ്ജ്വൽ ഭുയാനുമടങ്ങിയ ബെഞ്ചാണ് കഴിഞ്ഞ മാസം ഈ സുപ്രധാന ഉത്തരവ് പുറപ്പെടുവിച്ചത്. 

എന്നാൽ ഈ ഉത്തരവ് കേന്ദ്ര-സംസ്ഥാന സർക്കാരുകൾ വേണ്ടത്ര ഗൗരവത്തിലെടുത്തില്ല. ഇതേത്തുടർന്നാണ് സുപ്രീംകോടതി തീരുമാനം നടപ്പിലാക്കാൻ കഴിഞ്ഞ ദിവസം വീണ്ടും സർക്കാരുകൾക്ക് നാല് ആഴ്ച സമയം അനുവദിച്ചിരിക്കുന്നത്. കാൽനടയാത്രക്കാരുടെ സുരക്ഷ ഉറപ്പാക്കുന്നതിന് കൃത്യമായ നിയമ നിർമാണങ്ങൾ ആവശ്യമാണെന്ന് കോടതി നിരന്തരം ഓർമിപ്പിക്കുന്നുണ്ട്.

സർക്കാരുകൾക്ക് അന്ത്യശാസനം

കാൽനടയാത്രക്കാരുടെ അവകാശങ്ങൾ സംരക്ഷിക്കുന്നതിനും സുരക്ഷിതത്വം ഉറപ്പുവരുത്തുന്നതിനും നടപ്പാതകളുടെ ആവശ്യകതയും മാർഗങ്ങളും ചട്ടങ്ങളും രൂപവൽക്കരിക്കാനുള്ള ഉത്തരവ് പാലിക്കാൻ കേന്ദ്രത്തിനും സംസ്ഥാനങ്ങൾക്കും അവസാന അവസരമെന്ന നിലയിലാണ് പുതിയ നിർദേശം. നാല് ആഴ്ചയാണ് ഇതിനായി സുപ്രീംകോടതി ജസ്റ്റിസുമാരായ ജെ ബി പർദിവാല, ആർ മഹാദേവൻ എന്നിവരടങ്ങിയ ബെഞ്ച് നൽകിയിരിക്കുന്നത്. റോഡ് വികസനത്തോടൊപ്പം തന്നെ കാൽനടയാത്രക്കാരുടെ സുരക്ഷയ്ക്കും തുല്യ പ്രാധാന്യം നൽകേണ്ടതുണ്ടെന്ന് ഈ വിധി വ്യക്തമാക്കുന്നു.

നടപ്പാതകളിലെ തടസ്സങ്ങളും വെല്ലുവിളികളും

സംസ്ഥാനത്ത് ദേശീയപാത നിർമാണത്തിൻ്റെ ഭാഗമായി നിർമിച്ച നടപ്പാതകളിൽ മുഴുക്കെ വൈദ്യുതി തൂണുകളും ട്രാൻസ്ഫോർമറുകളും വാഹന പാർക്കിങ്ങുകളും ഓട്ടോറിക്ഷ സ്റ്റാൻഡുകളുമാണുള്ളത്. നേരത്തെയുള്ള സുപ്രീംകോടതി നിരീക്ഷണത്തിൻ്റെ അടിസ്ഥാനത്തിലായിരുന്നു ദേശീയപാത നിർമാണ കമ്പനി തട്ടിക്കൂട്ട് നടപ്പാതകൾ നിർമിച്ച് തലയൂരിയത്. 

ഇതിലൂടെ കാൽനടയാത്രക്കാർക്ക് നടന്നു പോകാൻ കഴിയുന്നുമില്ല. സുപ്രീംകോടതി നൽകിയ നാല് ആഴ്ചയ്ക്കുള്ളിൽ നടപ്പാതകളിലെ നിലവിലുള്ള തടസ്സം നീക്കം ചെയ്യാൻ സർക്കാരിനാകുമോ എന്നത് കണ്ടറിയേണ്ടിയിരിക്കുന്നു. 

മാറ്റിയില്ലെങ്കിൽ കോടതിയലക്ഷ്യ നടപടികളും നേരിടേണ്ടി വരുമെന്നത് സർക്കാരിനെയും കുഴക്കുന്നുണ്ട്. പൊതുയിടങ്ങളിലെ അനധികൃത കയ്യേറ്റങ്ങൾ ഒഴിവാക്കി നടപ്പാതകൾ കാൽനടയാത്രക്കാർക്ക് പൂർണമായും ലഭ്യമാക്കേണ്ടത് അനിവാര്യമാണ്.

ഈ സുപ്രധാന കോടതി വിധി നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. വാർത്തകളും വിവരങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: Supreme Court grants 4 weeks to Central and State governments to clear obstacles from footpaths ensuring pedestrian rights.

#SupremeCourt #PedestrianRights #FootpathClearance #NewDelhi #KeralaNews #NationalHighway #AparnaNews