ചൈനീസ് അതിര്‍ത്തിയില്‍ കാണാതായ സുഖോയ് വിമാനത്തിലെ മലയാളി പൈലറ്റിന്റെ മൃതദേഹം കണ്ടെത്തി

By Web Desk SUMay 30, 2017, 07:35 IST

കോഴിക്കോട്: (www.kasargodvartha.com 30.05.2017) അരുണാചല്‍പ്രദേശിലെ ചൈനീസ് അതിര്‍ത്തിയില്‍ പരിശീലനപ്പറലക്കലിനിടെ കാണാതായ സുഖോയ് വിമാനത്തിലെ ഫ്‌ളൈറ്റ് ലഫ്റ്റനന്റ് പന്തീരാങ്കാവ് സ്വദേശി അച്ചുദേവി(25)ന്റെ മൃതദേഹം കണ്ടെത്തിയതായി ബന്ധുക്കള്‍ക്ക് വിവരം ലഭിച്ചു. തിങ്കളാഴ്ച വൈകിട്ടാണ് അച്ചുദേവിന്റെ അച്ഛനില്‍നിന്ന് നാട്ടിലുള്ള ബന്ധുക്കള്‍ വിവരമറിഞ്ഞത്. മൃതദേഹം ബുധനാഴ്ച നാട്ടിലെത്തിക്കും.

കോഴിക്കോട് പന്തീരാങ്കാവ് പന്നിയൂര്‍ക്കുളം സ്വദേശിയായ അച്ചുദേവും ഉത്തര്‍പ്രേദശുകാരനായ സ്‌ക്വാഡ്രന്‍ ലീഡര്‍ ദിവേഷ് പങ്കജുമാണ് വിമാനത്തിലുണ്ടായിരുന്നത്. കഴിഞ്ഞ ചൊവ്വാഴ്ച രാവിലെ 10.30 മണിയോടെയാണ് വിമാനം അരുണാചല്‍പ്രദേശിലെ ചൈനീസ് അതിര്‍ത്തിക്കടുത്ത് കാണാതായത്. ആര്‍ഒയില്‍ വിരമിച്ച പന്നിയൂര്‍ക്കുളം മേലെതാന്നിക്കാട്ട് വി പി സഹദേവന്റേയും ജയശ്രീയുടേയും മകനാണ് അച്ചുദേവ്.