ഇന്‍ഡ്യ-മ്യാന്‍മര്‍ അതിര്‍ത്തിയില്‍ വന്‍ ഭൂചലനം; 6.1 തീവ്രത രേഖപ്പെടുത്തി; ബംഗ്ലാദേശിലും കൊല്‍കത്തയിലും പ്രകമ്പനം

ന്യൂഡെല്‍ഹി: (www.kasargodvartha.com 25.11.2021) ഇന്‍ഡ്യ-മ്യാന്‍മര്‍ അതിര്‍ത്തിയില്‍ വന്‍ ഭൂചലനം. വെള്ളിയാഴ്ച പുലര്‍ചെയാണ് റിക്ടര്‍ സ്‌കെയിലില്‍ 6.1 തീവ്രത രേഖപ്പെടുത്തിയ ഭൂചലനമുണ്ടായത്. ബംഗ്ലാദേശിലും കൊല്‍കത്തയിലും പ്രകമ്പനം അനുഭവപ്പെട്ടു.

ബംഗ്ലാദേശിലെ ചിറ്റഗോങ്ങിലും കൊല്‍കത്ത, പശ്ചിമ ബംഗാള്‍, ത്രിപുര, അസം എന്നിവിടങ്ങളിലും പ്രകമ്പനം അനുഭവപ്പെട്ടതായി യൂറോപ്യന്‍-മെഡിറ്ററേനിയന്‍ സീസ്മോളജികല്‍ സെന്ററിന്റെ (ഇ എം എസ് സി) വെബ്സൈറ്റില്‍ അറിയിച്ചു. മിസോറമിലെ ഐസോളില്‍നിന്ന് 126 കിലോമീറ്റര്‍ തെക്കുകിഴക്കായാണ് ഭൂചനത്തിന്റെ പ്രഭവകേന്ദ്രം. 

അതേസമയം, 30 സെകന്‍ഡ് നീണ്ടുനിന്ന ഭൂചലനത്തില്‍ ആളപായമോ, നാശനഷ്ടങ്ങളോ റിപോര്‍ട് ചെയ്തിട്ടില്ല.

An earthquake of magnitude 6.1 occurred today around 5:15 am at 73km SE of Thenzawl, Mizoram:
National Center for Seismology pic.twitter.com/Bz6dQf1SuJ

— ANI (@ANI) November 26, 2021