ശ്രീരാമസേനാ സ്ഥാപകന്‍ പ്രമോദ് മുത്തലിക് ബി.ജെ.പിയില്‍ ചേരുന്നു

ബെല്‍ഗാം: ശ്രീരാമസേനാ സ്ഥാപകന്‍ പ്രമോദ് മുത്തലിക് ബി.ജെ.പിയില്‍ ചേരുന്നു. വരുന്ന നിയമസഭാ തരഞ്ഞെടുപ്പില്‍ ബി.ജെ.പിയുടെ സ്ഥാനാര്‍ത്ഥിയായി ഇദ്ദേഹം മത്സരിക്കുമെന്നാണ് സൂചന.

പേജാവര്‍ മഠത്തിലെ വിശ്വതീര്‍ത്ഥ സ്വാമിജിയും മുതിര്‍ന്ന ബി.ജെ.പി നേതാവ് ഉമാഭാരതിയും ഇദ്ദേഹത്തിന്റെ വരവിനെ സ്വാഗതം ചെയ്തു. സ്വാമിജിയും ഉമാ ഭാരതിയും കരുതുന്നത് ഇദ്ദേഹത്തിന്റെ കടന്നുവരവോടെ കര്‍ണാടകയില്‍  ബി.ജെ.പിക്ക് നല്ല പരിഗണന കിട്ടും എന്നാണ്.  കാരണം ശ്രീരാമസേനയ്ക്ക് കര്‍ണാടകയിലെ പല സ്ഥലങ്ങളിലും നല്ല സ്വാധീനമാണുള്ളത്. ബെല്‍ഗാം, ബീജാപൂര്‍, ഗുല്‍ബര്‍ഗ, ധാര്‍വാഡ്, ചിക്ക മാംഗലൂര്‍, ഉത്തര കര്‍ണാടക, ഉഡുപ്പി, ദക്ഷിണ കന്നട എന്നീ ജില്ലകളില്‍ ശ്രീരാമസേനാ തരംഗമാണുള്ളത്. അതുകൊണ്ടുതന്നെ മുത്തലിക്കിനെ ബി.ജെ.പി സ്ഥാനാര്‍ത്ഥിയാക്കുന്നതിലൂടെ ശ്രീരാമസേനയുടെ വോട്ടുകളെല്ലാം ബി.ജെ.പി.ക്ക് ലഭിക്കുമെന്നാണ് കരുതുന്നത്.

ബെല്‍ഗാമില്‍ കന്നട, മറാത്തി ഭാഷകള്‍ സംസാരിക്കുന്നവര്‍ തമ്മില്‍ നിലവിലുള്ള അനൈക്യം മുതലെടുക്കാന്‍ മുത്താലിക്കിനെ സ്ഥാനാര്‍ത്ഥിയാക്കുന്നതിലൂടെ സാധിക്കുമെന്നും ഹിന്ദുത്വത്തിന്റെ പേരില്‍ ഭാഷകള്‍ തമ്മിലുള്ള എതിര്‍പുകളെ മറികടന്ന് അതെല്ലാം വോട്ടാക്കി മാറ്റാന്‍ കഴിയുമെന്നും ബി.ജെ.പി കണക്കു കൂട്ടുന്നു. നിലവില്‍ കോണ്‍ഗ്രസിലെ ഫിറോസ് ഷേട്ടാണ് ബല്‍ഗാമിനെ പ്രതിനിധീകരിക്കുന്നത്.

മുത്താലിക് ബി.ജെ.പി സ്ഥാനാര്‍ത്ഥിയായാല്‍ ഹിന്ദു വോട്ടുകളെല്ലാം അദ്ദേഹത്തിന്റെ പെട്ടിയില്‍ വീഴുമെന്ന വര്‍ഗീയ ചീട്ടിറക്കാനും ബി.ജെ.പി ഉദ്ദേശിക്കുന്നു. എങ്ങിനെയിരുന്നാലും ബി.ജെ.പിയും സംഘപരിവാറും മുത്തലിക്കിന്റെ കടന്നുവരവ് ഗുണം ചെയ്യുമെന്നാണ് കരുതുന്നത്.


Keywords:  Kerala News, International News, National News, Gulf News, Health News, Educational News, Business News, Stock news, Gold News, Belgaum, B.J.P, Sri Ram Sene founder Pramod Muthalik to join BJP, Candidate, Political party, Karnataka, Leader, Udupi, National.