Train Accident | ഒഡിഷ ട്രെയിന് അപകടത്തിന് കാരണം സിഗ്നലിലെ പിഴവെന്ന് പ്രാഥമിക നിഗമനം
Jun 3, 2023, 09:05 IST
ഭുവനേശ്വര്: (www.kasargodvartha.com) ഒഡിഷയില് നിരവധി പേരുടെ മരണത്തിനിടയാക്കിയ ട്രെയിന് അപകടത്തിന് കാരണം സിഗ്നലിലെ പിഴവെന്ന് പ്രാഥമിക നിഗമനം. അതേസമയം ഇതിന് ഔദ്യോഗിക സ്ഥിരീകരണം ലഭിച്ചിട്ടില്ലെന്ന് റിപോര്ടുകള് വ്യക്തമാക്കുന്നു.
അപകടത്തെ പറ്റി ഉന്നതതല അന്വേഷണം നടത്താന് ഉത്തരവിട്ടതായി കേന്ദ്ര റയില്വെ മന്ത്രി അശ്വിനി വൈഷ്ണവ് അറിയിച്ചു. ഇത്രയധികം പേരുടെ മരണത്തിന് ഇടയാക്കിയത് മിനിറ്റുകളുടെ വ്യത്യാസത്തിലുണ്ടായ രണ്ട് ട്രെയിന് അപകടങ്ങളാണ്. മൊത്തം മൂന്ന് ട്രെയിനുകളാണ് അപകടത്തില്പെട്ടത്.
ഷാലിമറില്നിന്ന് ചെന്നൈയിലേക്കു പോവുകയായിരുന്ന കൊല്കത്ത - ചെന്നൈ കോറമണ്ഡല് എക്സ്പ്രസാണ് ആദ്യം ഗുഡ്സ് ട്രെയിനിലിടിച്ചത്. അപകടത്തിനു പിന്നാലെ കോറമണ്ഡല് എക്സ്പ്രസിന്റെ 15 ബോഗികള് പാളം തെറ്റിയിരുന്നു. പാളം തെറ്റിയ ബോഗികളിലേക്ക് സമീപത്തെ ട്രാകിലൂടെയെത്തിയ ഹൗറ എക്സ്പ്രസ് ഇടിച്ചുകയറിയതോടെയാണ് ദുരന്തത്തിന്റെ തീവ്രത വര്ധിച്ചത്.
Keywords: Odisha, News, National, Train, Accident, Signal Fault, Signal Fault Caused Odisha Train Accident on Preliminary Conclusion.
