രണ്ടാം ഭാര്യ കട്ടിലിനടിയില്‍ ബോംബ് വെച്ചു, ബോംബ് പൊട്ടി കോണ്‍ഗ്രസ് നേതാവ് ദാരുണമായി കൊല്ലപ്പെട്ടു

By Webdesk ViFeb 14, 2018, 13:44 IST

ഹൈദരാബാദ്: (www.kasargodvartha.com 14/02/2018) രണ്ടാം ഭാര്യ കട്ടിലിനടിയില്‍ ബോംബ് വെച്ചു, ബോംബ് പൊട്ടി കോണ്‍ഗ്രസ് നേതാവ് ദാരുണമായി കൊല്ലപ്പെട്ടു.തെലങ്കാനയിലെ നല്‍ഗൊണ്ട ജില്ലയിലെ കോണ്‍ഗ്രസ് പ്രാദേശിക നേതാവ് എന്‍ ധര്‍മ്മ നായിക് ആണ് മരിച്ചത്. ഉറങ്ങിക്കിടക്കുകയായിരുന്ന ധര്‍മ്മയുടെ കിടക്കയ്ക്ക് അടിയിലായി രണ്ടാം ഭാര്യ ബോംബ് വച്ചിരുന്നത്. ഉറക്കത്തിനിടെ ബോംബ് പൊട്ടി ധര്‍മ്മയുടെ ശരീരം ചിന്നിച്ചിതറുകയായിരുന്നു.

വീടിന് പുറത്ത് കിടന്നുറങ്ങുകയായിരുന്ന ധര്‍മ നായിക്കിന്റെ കട്ടിലിനടിയില്‍ വെച്ച ബോംബ് രാത്രിയില്‍ പൊട്ടിത്തെറിക്കുകയായിരുന്നു. സ്‌ഫോടനത്തില്‍ ധര്‍മ്മനായിക്കിന്റെ ശരീരം ചിന്നിചിതറി. ആദ്യം കൊലപാതകം നടത്തിയത് രാഷ്ട്രീയ എതിരാളികളാണെന്നാണ് കരുതിയത് എന്നാല്‍ പിന്നീട് നടത്തിയ പരിശോധനയില്‍ രണ്ടാം ഭാര്യയാണ് കൊലപാതകം നടത്തിയത് എന്ന വ്യക്തമായതായി പൊലീസ് പറഞ്ഞു.