കോലാലംപൂരില്‍ ദാറുല്‍ ഖുര്‍ആന്‍ സ്‌കൂളില്‍ തീപിടുത്തം; 23 കുട്ടികളും 2 വാര്‍ഡന്മാരും മരിച്ചു

By Web Desk SNSep 14, 2017, 10:07 IST

കോലാലംപൂര്‍: (www.kasargodvartha.com 14.09.2017) മലേഷ്യന്‍ തലസ്ഥാനമായ കോലാലംപൂരിലെ ദാറുല്‍ ഖുര്‍ആന്‍ ഇത്തിഫാഖിയ സ്‌കൂളിലുണ്ടായ തീപിടുത്തത്തില്‍ 23 കുട്ടികളും രണ്ട് വാര്‍ഡന്മാരും മരിച്ചു. വ്യാഴാഴ്ച പുലര്‍ച്ചെയാണ് തീപിടുത്തമുണ്ടായത്. വിദ്യാര്‍ത്ഥികള്‍ താമസിച്ച് പഠനം നടത്തുന്ന സ്‌കൂളാണ് ഇത്. തീപിടിച്ചതു മൂലമുണ്ടായ പുക ശ്വസിച്ചാണ് കുട്ടികള്‍ മരണപ്പെട്ടതാണെന്നാണ് കരുതുന്നത്.

വിവരമറിഞ്ഞ് അഗ്നി ശമന സേനാംഗങ്ങള്‍ സ്ഥലത്തെത്തി രക്ഷാപ്രവര്‍ത്തനം നടത്തി.