Recruitment | റെയിൽവേയിൽ ഒരു ലക്ഷത്തിലധികം ഒഴിവുകൾ; ജോലി നേടാൻ സുവർണാവസരം; വിശദാംശങ്ങൾ

ന്യൂഡെൽഹി: (KasargodVartha) റെയിൽവേയിൽ വിവിധ തസ്തികകളിലേക്ക് 1,03,769 ഒഴിവുകൾ നികത്തുന്നതിനായി റെയിൽവേ റിക്രൂട്ട്മെന്റ് ബോർഡ് (RRB) ഗ്രൂപ്പ് ഡി പരീക്ഷ നടത്താനൊരുങ്ങുന്നു. ട്രാക്ക് മെയിൻ്റനർ ഗ്രേഡ്-4, ഹെൽപർ/അസിസ്റ്റന്റ്, അസിസ്റ്റന്റ് പോയിന്റ്സ്മാൻ, ലെവൽ-1 തസ്തികകളിലേക്കാണ് ഈ നിയമനം നടക്കുന്നത്. താൽപ്പര്യവും യോഗ്യതയുമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ indianrailways(dot)gov(dot)in ൽ ഓൺലൈനായി അപേക്ഷിക്കാം. പരീക്ഷയുടെ വിജ്ഞാപനം 2024 ഒക്‌ടോബറിനും ഡിസംബറിനും ഇടയിൽ പുറത്തിറങ്ങും.

ഒഴിവുകളുടെ വിശദാംശങ്ങൾ:

നോർത്തേൺ റെയിൽവേ (കൂടെ DMW & RCF) - 13153

ഈസ്റ്റേൺ റെയിൽവേ (കൂടെ CLW & Metro) -10873

പശ്ചിമ റെയിൽവേ - 10734

ദക്ഷിണ റെയിൽവേ, ഐ.സി.എഫ് - 9579

സെൻട്രൽ റെയിൽവേ - 9345

സൗത്ത് സെൻട്രൽ റെയിൽവേ - 9328

സൗത്ത് വെസ്റ്റേൺ റെയിൽവേ, ആർ.ഡബ്ല്യു.എഫ് - 7167

നോർത്ത് വെസ്റ്റേൺ റെയിൽവേ -5249

സൗത്ത് ഈസ്റ്റേൺ റെയിൽവേ - 4914

നോർത്ത് സെൻട്രൽ റെയിൽവേ, ഡി.എൽ.ഡബ്ല്യു - 4730

വെസ്റ്റ് സെൻട്രൽ റെയിൽവേ - 4019

നോർത്ത് ഈസ്റ്റേൺ റെയിൽവേ (കൂടെ MCF & RDSO) - 4002

ഈസ്റ്റ് സെൻട്രൽ റെയിൽവേ - 3563

വടക്കുകിഴക്കൻ അതിർത്തി റെയിൽവേ - 2894

ഈസ്റ്റ് കോസ്റ്റ് റെയിൽവേ - 2555

സൗത്ത് ഈസ്റ്റ് സെൻട്രൽ റെയിൽവേ - 1664

വിദ്യാഭ്യാസ യോഗ്യത:

10-ാം ക്ലാസ് പാസാകുകയും ഐടിഐ പൂർത്തികരിക്കുകയും വേണം. കോഴ്സ് എൻ സി വി ടി / എസ് സി വി ടി അല്ലെങ്കിൽ തത്തുല്യ അംഗീകാരമുള്ളതായിരിക്കണം.

പ്രായപരിധി:

കുറഞ്ഞ പ്രായം- 18 വയസ്

പരമാവധി പ്രായം- 33 വയസ്

തിരഞ്ഞെടുപ്പ് പ്രക്രിയ:

എഴുത്തുപരീക്ഷ

വൈവ ടെസ്റ്റ്

മെഡിക്കൽ ഫിറ്റ്നസ് ടെസ്റ്റ്

രേഖകളുടെ പരിശോധന

അപേക്ഷാ ഫീസ്:

ജനറൽ /ഒ ബി സി / ഇ ഡബ്ല്യു എസ്: 500

എസ്.സി / എസ്.ടി: 250

ശമ്പളം:

തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് പ്രതിമാസം 22,500-25,380 രൂപ. കൂടുതൽ വിവരങ്ങൾക്ക്, റെയിൽവേ റിക്രൂട്ട്മെൻ്റ് ബോർഡിൻ്റെ (RRB) ഔദ്യോഗിക വെബ്സൈറ്റ് indianrailways(dot)gov(dot)in സന്ദർശിക്കാവുന്നതാണ് .